Ribadeo, 28 de xuño de 2017. O Concello ribadense celebra o Día do Orgullo colocando a bandeira multicolor na Casa Consistorial. No acto déronse cita o alcalde, Fernando Suárez, e os concelleiros de Cultura e Xuventude, Farruco Graña e Vanesa Yanes.
Desde a Concellaría de Igualdade de Ribadeo sinalan nesta xornada: “reiteramos o noso compromiso e a aposta pola igualdade social, a visibilidade da diversidade e a non discriminación, nun día como hoxe de celebración con todo o colectivo LGTBI do Día do Orgullo.
E explican que “case medio século despois da revolta de Stonewall, cidade de Nova York onde se produciu a revolución dos afectos cando un grupo de persoas non hetereosexuais decidiu responder á agresión policial sufrida en Stonewall. Desde entón tense avanzado, pero aínda falta moito para conquistar a igualdade real e a normalización social”.
Na Concellaría de Igualdade manifestan que “si ben en Galicia contamos coa Lei de Igualdade 2/2014 de 14 abril pola igualdade e non discriminación de persoas LGTBI, cabe resaltar que as discriminacións e vulneración de dereitos que sofren as persoas LGTBI fan do noso país a terceira comunidade do Estado cun maior número de delitos de odio por orientación ou identidade sexual. Sen ir máis lonxe, o pasado ano na praza de España, en Ribadeo, a exposición da Deputación que se colocou para conmemorar esta efeméride sufriu danos e un ataque”.
E engaden: “a isto, cabe sumarlle as discriminacións tanto no eido laboral (vulneración do dereito á intimidade nos procesos de selección, non renovación de contratos, acoso, dificultades na promoción, denegación de prestacións e permisos á parella, despedimentos…), como no social, e mesmo no ámbito educativo desde idades moi temperás (agresións, insultos, invisibilización, illamento, acoso e ciber acoso…), que sofren moitas galegas e galegos pola súa opción afectivo sexual ou pola súa identidade de xénero e a outro tipo de discriminacións que xorden no día a día como a imposibilidade das mulleres lesbianas de ser nais, xa que a carteira de servizos comúns do Sistema Nacional de Saúde vincula os tratamentos de reprodución humana asistida (RHA) á existencia dun trastorno documentado da capacidade reprodutiva, constatada tras un protocolo diagnóstico, ou tras a ausencia de consecución de embarazo despois dun mínimo 12 meses de relacións sexuais con coito vaxinal sen emprego de métodos anticonceptivos”.
Para a Concellaría de Igualdade “aínda son moitas as barreiras e discriminacións que afectan ás persoas que defenden a diversidade sexual, ou que se identifican como gais, lesbianas, transexuais, bisexuais, intersexuais. Desde o Concello de Ribadeo queremos amosar o noso apoio izando unha vez máis a bandeira multicolor e celebrando este Día do Orgullo, xa que para nós é un orgullo que cadaquén poida vivir a súa vida en liberdade”.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
