O Valadouro, 4 de xullo de 2017. A parlamentaria Olalla Rodil acompañada do Tenente Alcalde do concello de O Valadouro, o nacionalista Eduardo Chao, e da responsable comarcal do BNG, Ana Ermida, fixéronse eco da información que lles trasladaron familiares de persoas ingresadas na Residencia de maiores Santa María de Ferreira do Valadouro, centro pertencente á Fundación San Rosendo. Estes familiares indicaron que algunhas persoas usuarias da residencia non reciben unha asitencia integral para o seu desenvolvemento.
O BNG preguntará no Parlamento de Galiza polas demandas dos familiares dos maiores ingresados na Residencia
Olalla Rodil instará desde o Parlamento aos responsables da Consellería de Política Social para que a través do Servizo de Inspección de Maiores, Discapacidade e Dependencia se explique se se realizan as correspondentes inspeccións e se díe conta tamén dos seus resultados.
“Sexan públicos ou privados os centros donde están os nosos maiores, a administración pública tén que velar para que se garantan os dereitos universais dos mesmos, e os das persoas con discapacidade e dependentes e que a atención se preste nas mellores condicións” afirmou a deputada nacionalista. Que entende que a función de control da Xunta debe realizarse em todos os centros prestadores de servizos sociais e estes servizos non poden verse afectados polas políticas de recortes do Partido Popular.
O Tenente Alcalde do Concello de O Valadouro, Eduardo Cho manifestou a súa preocupación polo feito de que estes casos que denuncian os familiares se poidan producir sen que os responsables da Consellería de Política Social adoptaran algunha medida ao respecto. “Non podemos permitir que esto ocurra nun centro ubicado no noso concello”manifestou o tenente alcalde.
A portavoz comarcal do BNG, Ana Ermida, asegurou que a política privatizadora de servizos sociais, levada a cabo polo PP durante anos en Galiza e con escaso control do servizo privatizado, ten consecuencias como as deste suposto, no que o persoal está prestando os servizos moitas veces con dificultades e escaseza de medios, realizando a súa función dun xeito profesional e, en moitas ocasións, suplindo a falla de servizos que deberan prestar as Administracións responsables. Neste sentido, desde o BNG queren destacar a labor realizada polo persoal e o esforzo que poidan realizar para dar a atención adecuada. Manifestou tamén que “a Xunta segue estando en débeda con esta comarca en materia de asuntos sociais e atención á terceira idade, onde as prazas públicas en residencias non son suficientes.”
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
