Lugo, 31 de xullo de 2017. O Goberno da Deputación investiu 619.000 euros nun ano na mellora da calidade de vida dos 1.300 veciños de Riotorto. Así o informou o Presidente do Executivo Provincial, Darío Campos Conde, durante unha visita ao municipio, na que estivo acompañado polo Alcalde de Riotorto, Clemente Iglesias González. Campos Conde explicou que con este investimento acondicionáronse múltiples vías en núcleos rurais, dotouse de alumeado público a varías rúas, prestóuselle atención profesional a ducias de maiores e xeráronse máis dunha decena de novos empregos.
O Goberno da Deputación achegou 188.000 euros durante un ano a melloras en dotacións públicas de Riotorto. Foron 80.000 euros á adquisición dun novo camión de recollida de lixo, que comparten os Concellos de Riotorto e Meira. Este servizo público leva funcionando dende principios de ano, beneficiando aos máis de 3.000 veciños destes 2 Concellos da Terra Chá. Foron outros 62.000 euros para a rehabilitación da Área Recreativa da Ferreira Vella. Os traballos consistiron na dotación de calefacción e novo mobiliario, como cociñas, mesas ou cadeiras, entre outras. O Executivo Provincial destinou 17.500 á instalación de 20 puntos de luz LED na parroquia de Santa Marta e á substitución da carpintería existente do edificio da área recreativa no Mazo da fraga de Ferreiravella.
O Presidente avanzou que as seguintes actuacións serán a reconstrucción do muro de contención de Ferraría e a dotación de 25 luminarias de LED no Concello de Riotorto, con outros 12.000 euros, que xa achegou o Executivo Provincial.
Mellora de accesos en 15 núcleos rurais
Foron 176.000 euros os investidos polo Goberno da Deputación durante un ano para mellorar os accesos da maioría dos núcleos rurais do Concello de Riotorto. En concreto, financiou con 52.000 euros, as melloras en Lourido, Teixeiro, Espasandre de Arriba, Vilar de Meilán, Lamas, Chacín, Vilar de Santiago, Rebordela e o campo de fútbol de Muxoeira, beneficiando directamente aos máis de 100 veciños que vive nestas zonas rurais.
O Presidente avanzou que as seguintes actuacións serán en Moxueira, Chacín, Santalla, Espasande de Arriba, Santamarta, Vilaseca-Lamas e Eirredondo-Teixeiro, cunha achega económica de 123.538 euros.
Máis de 140.000 euros en novos postos de traballo
Campos Conde adiantou que nun ano o Goberno da Deputación investiu en Riotorto 144.000 euros, cos que se xeraron un total de 10 novos postos de traballo: 7 no 2016 e 3 este ano. Estes novos empregos creáronse a través do DepuEmprego e o Ben Empregado, pois o Executivo Provincial asume os custos laborais de novos profesionais para traballar en empresas da zona e no propio Concello, reforzando os servizos públicos municipais. Por exemplo, a través do DepuEmprego contratáronse os servizos dun xardineiro e un peón forestal.
70 prazas de SAF e Teleasistencia
O Executivo Provincial destinou nun ano 44.000 euros á prestación do Servizo de Axuda a Domicilio para non dependentes e da Teleasistencia gratuíta en Riotorto, xerando 70 prazas. Actualmente, o Goberno da Deputación ofrece estes servizos a 34 maiores deste municipio, aos que non atende a Xunta, a través da contratación de asistentes sociais, que prestan máis de 3.000 horas de atención, á espera de posibles altas.
Dinamización cultural, turística e deportiva
O Goberno da Deputación achegou a Riotorto durante un ano outros 63.000 euros á celebración de actividades culturais e deportivas, ademais de eventos turísticos. Este orzamento permitiu organizar a Feira de Artesanía do Ferro, promocionar o deporte base a través das Escolas Deportivas Municipais ou a celebración de diferentes actividades como os obradoiros de Nadal e varias actuacións teatrais.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
