Ribadeo 7-8-17. O IES RIBADEO DIONISIO GAMALLO finalizou este mes de xullo o seu proxecto europeo Abrimos puertas a Europa: las buenas prácticas y las nuevas tecnologías como futuro de nuestra educación.
Este proxecto, da modalidade KA1 de Educación Escolar, tiña unha duración de 2 anos, e foi elixido xunto con outros 318 en toda España (12 en Galicia) para desenvolver contidos relacionados coa ensinanza-aprendizaxe. Tivo como obxectivos principais o coñecemento das últimas tecnoloxías aplicadas ao ensino, e as claves da convivencia escolar para evitar e atallar conflitos e alteracións no ámbito educativo. Tamén figuran como obxectivos a formación en contornos educativos diversos, e a interacción co profesorado europeo. Un proxecto que tiña como beneficiarios aos profesores e profesoras do centro, que se convirten tamén en colaboradores na tarefa de levar o seu aprendizaxe a aula. O resultado final foron dúas experiencias, en Reino Unido e en Italia, que podedes ler resumidas na web do centro. Esta fase de difusión e avaliación aínda se está a desenvolver dado que este proxecto finalizou o 31 de xullo.
Tamén durante este curso 2016-2017, o IES RIBADEO DIONISIO GAMALLO foi centro piloto nun programa ERASMUS+ da modalidade KA3 titulado: Assessment of Transversal Skills (Avaliación de habilidades transversais). Esta modalidade de proxectos agrupa actividades de apoio á reforma das políticas educativas e oriéntanse ao logro dos obxectivos da Estratexia Europa 2020, do Marco Estratéxico para a cooperación europea no ámbito da Educación e a Formación (ET 2020) e da Estratexia Europea para a Xuventude. Este proxecto implantouse durante un curso académico e implicou a 10 países (Bélxica, Chipre, Croacia, Estonia, Grecia, Finlandia, Irlanda, Lituania, Slovenia e España), 250 centros, 1000 profesores e 10.000 estudantes…. entre estes figuraron os alumnos e alumnas de 3º de ESO do noso Centro. Tiña como obxectivo principal proporcionar aos profesores e alumnos novos enfoques de aprendizaxe para desenvolver e avaliar habilidades transversais a través de novas metodoloxías e os novos recursos didácticos.
Como broche deste mes de xullo e como acicate para o seguinte, recibimos a noticia da selección do noso proxecto El valor de la ciudadanía: la educación como fundamento del futuro en Europa, xunto a outros 125 de toda España (8 en Galicia), que vai beneficiar ao noso alumnado e tamén ao noso alumnado alemán como socio do proxecto ata o curso 2019. Este novo proxecto ERASMUS+ pertence á modalidade KA219, intercambio entre centros escolares, e ten como obxectivo poñer en relación ao alumnado de distintos países a través dun corto período de convivencia no que comparten clases, costumes, viaxes e todos os elementos que conforman a cultura do país anfitrión. Unha experiencia que, de seguro, marcará en positivo a evolución da súa aprendizaxe e completará os recursos que os novos tempos esixen para a cidadanía.
Esa é realmente a idea que subxace en todo este traballo que forma parte dos principios educativos prioritarios do centro: formar aos cidadáns e cidadás dunha renovada sociedade. Nesa liña de futuro seguiremos traballando.
Manuel Yáñez Dablanca
Coordinador de Programas Europeos
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
