Viveiro (Lugo), 6 de setembro de 2017.- A Axencia Galega de Infraestruturas (AXI), dependente da Consellería de Infraestruturas e Vivenda, vén de remitir ao Concello de Viveiro unha proposta técnica que serviría como solución á problemática da situación da empresa Vestas en relación coa súa afectación pola estrada autonómica LU-161.
O delegado territorial da Xunta en Lugo, José Manuel Balseiro, explicou que a medida promovida polo departamento que dirixe Ethel Vázquez busca remover un dos obstáculos cos que se atopa esta empresa á hora de legalizar a súa situación urbanística, xa que logo unha parte das instalacións da fábrica invaden o espazo reservado e no que non se poden realizar construcións, ampliacións e calquera tipo de obra nova.
Redución extraordinaria da liña límite de edificación
A fórmula legal escollida implica a tramitación dun procedemento denominado de redución extraordinaria da liña límite de edificación, previsto na Lei 8/2013, de Estradas de Galicia, e que a propia empresa solicitou en xuño de 2017, logo do asesoramento do departamento autonómico de infraestruturas.
A zona límite de edificación reduciríase ata aos 9,5 metros no conxunto do ámbito, e aplicaríase unha distancia aínda máis reducida –de 4 metros- no caso das edificacións preexistentes que se atopan nesa zona, incluída a propia factoría da Vestas.
Precisa a conformidade do Concello de Viveiro
A normativa establece que a redución da zona de afectación da estrada autonómica debe ser compatible co desenvolvemento do planeamento urbanístico que se aplica no ámbito onde está situada a empresa. De aí que sexa necesaria a consulta ao Concello de Viveiro para que formule as observacións que estime acaídas.
Unha vez que o Concello dea a súa conformidade á proposta de ordenación feita pola administración autonómica, a Consellería de Infraestruturas e Vivenda iniciaría a tramitación formal do expediente.
Balseiro di que a Xunta tomou a iniciativa co obxecto de desbloquear unha situación que se estaba prolongando no tempo, e vista a falta de iniciativas nesa dirección. A solución contribúe a garantir a continuidade e futuro dunha das empresas máis importantes da zona, tanto polo número de empregos que xera como pola actividade económica a ela aparellada.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
