BURELA, 6 de setembro de 2017.- O secretario de Organización do PP de Lugo e deputado autonómico, Daniel Vega, considera que, logo das últimas manifestacións realizadas pola plataforma sanitaria, este colectivo queda claro que este colectivo “está facendo política, primeiro, ao servizo dos partidos de esquerda e, segundo, para desprestixiar ao Goberno galego”. Neste senso, indica que así o reflicten as últimas fotografías publicadas nos medios de comunicación ou as concentracións que están impulsando, coas que, asegura, “volven enganar ao conxunto de A Mariña, a base de render pleitesía con pancartas á esquerda e ao nacionalismo”.
Fronte a este proceder inaceptable, advirte que dende o Partido Popular e a Xunta de Galicia seguirase traballando pola Sanidade pública; cuestión que “é imposible pór en dúbida”, dado que as obras de ampliación do Hospital da Costa continúan a bo ritmo. Suman un total de 20 millóns de euros de investimento e permitirán dotar ao centro de 6.000 metros cadrados máis, que albergarán 45 camas novas para os doentes, así como ampliar a sala de quimioteratipia, entre outros servizos e dotacións.
“Estamos facendo entre todos un traballo importante por mellorar a calidade asistencial do noso Hospital. A Xunta de Galicia está apostando por esta comarca e por un centro que é para todo, malia que a algún semella que se lle esquece esta cuestión”. É é que, precisa, “ninguén se ten que sentir dono da Sanidade e moito menos estes Partidos ou certos colectivos que o único que queren é un asento quente e cómodo”.
“Que traballen como o está a facer o PP”
Dado que, coa reforma, non se perde autonomía nin capacidade de decisión, nin tampouco se recorta ningún servizo, senón todo o contrario, o deputado autonómico pídelle a esta plataforma “oportunista e demagoga que deixe de mentir ao cidadáns e se aplique o conto”. “En definitiva, que traballen pola Sanidade pública como así o está a facer a Xunta de Galicia”, destaca.
Para o popular, “non ten ningún sentido que falen de recortes cando hai máis servizos no hospital”. É o caso dos de oncoloxía ou a hospitalización a domicilio. Tampouco se pode dicir, lembra, que se perden consultas cando son os facultativos do HULA os que se desprazan a Burela e, entre os anos 2012 e 2016, atenderon máis de 8.500 consultas, evitando así o desprazamento dos doentes.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
