Cervo, 05 de setembro de 2017.- O Concello de Cervo vén de iniciar as obras de saneamento do núcleo de Praza, na parroquia de Castelo.
O alcalde de Cervo, Alfonso Villares, e o tenente de alcalde e edil de Obras, Plácido Pérez, xunto a técnicos municipais, desprazáronse esta mañá ata a zona para supervisar a actuación que supón un investimento de preto de 30.000 euros, procedentes, na súa maior parte, da Consellería de Presidencia, da Xunta de Galicia, e tamén hai unha pequena aportación do Concello de Cervo.
Villares sinalou que para o Concello de Cervo “son infraestruturas fundamentais que queremos achegar a todas as casas, non só ás que están nas zonas urbanas, senón tamén, como é o caso, ao noso rural”.
Con estas obras de saneamento no burgo de Praza damos un paso máis –engadiu- “porque son traballos que non son doados de acometer dada a extensión que hai no rural e a súa dispersión, o que conleva unha importante mobilización orzamentaria para podelos levar a cabo”.
Pero dende o Concello de Cervo, sinalou “levamos anos traballando neste camiño para tentar conseguir que o saneamento integral do municipio no seu conxunto sexa unha realidade”.
Pérez pola súa banda concretou que “os traballos consistirán na ampliación da rede de colectores existente, para conducir as verteduras de augas residuais dos veciños de Praza, á depuradora existente, co que o servizo chegará á totalidade dos habitantes do núcleo, que é aproximadamente o 25% da poboación de Castelo”.
Villares incidiu así mesmo, en que se trata dunha actuación importante “coa que respondemos a unha demanda dos veciños, e coa que pretendemos mellorar a calidade de vida dos cervenses, neste caso en beneficio daqueles que viven no rural, co obxectivo de que todos e cada un dos recunchos do noso municipio dispoñan de servizos de calidade, en consonancia con medio ambiente, como neste caso; ao tempo que acondicionamos o noso rural para que sexa cada vez máis atractivo para o asentamento de nova poboación”.
O Concello de Cervo comeza os traballos de saneamento do núcleo de Praza, na parroquia de Castelo
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
