Mondoñedo, 6 de setembro de 2017.- O Concello de Mondoñedo vén de facer público o fallo do xurado do II Concurso de ornamentación de balcóns e fachadas ‘Florea o teu balcón’. Os gañadores son, do primeiro ao sexto, Albina Iglesias Verdes (Avda. San Lucas, 6); Cristina de Palacios Caro (Praza da Catedral, 12); Ángeles Sánchez Armesto (Carroceira, 7); Óscar López López (Muíños de Arriba, 9); Berta Ares Rubiños (San Lázaro, 121);e José Manuel Losada Moreda (Progreso, 20).
Estes veciños que ocuparon os primeiros postos recibirán cadanseu diploma acreditativo para colocar xunto ao balcón e unha recompensa económica, que ascende á unha contía de 250 euros para o primeiro posto; 200 euros para o segundo, 150 euros para o terceiro; 100 o cuarto; 75 euros para o quinto premio e, por último, 50 euros para o sexto premio. A entrega de premios farase o sábado 16 de setembro no salón de plenos do Concello, ás 13:00 horas, e estará presidida pola alcaldesa, Elena Candia.
Balance moi positivo
O concelleiro de Educación, Mocidade e Novas Tecnoloxías, Alberto García Fernández, agradeceu a participación dos veciños no concurso ao tempo que fixo un balance moi positivo desta segunda edición de “Florea o teu balcón’, tanto no que respecta ao número de participantes, como no referido ao bo resultado da decoración dos balcóns das vivendas do casco urbano da cidade, incluíndo as do casco histórico e as dos barrios tradicionais de Os Muíños, Os Remedios e San Lázaro, que participaron no concurso. Tanto é así que o resultado final estivo moi disputado, polo que o xurado tivo que votar ata dúas veces para elixir os primeiros postos.
Alberto García explicou que o xurado cualificador integrárono Paloma Vázquez Fernández, xefa da área provincial de Turismo en Lugo; María José Gómez, xefa do Servizo de Coordinación da Área Cultural da Xunta de Galicia en Lugo; María Traveso Lago, coordinadora da área de Turismo da Mancomunidade de A Mariña; así como Mila Orol e Marta Candocia da oficina de rehabilitación do Concello de Mondoñedo e Yolanda López e Fernando Iglesias, profesores do ciclo de agroxardinería e composicións florais do IES San Rosendo.
O xurado realizou visitas periódicas valorando, entre outros, aspectos como o estado de conservación e mantemento semanal dos balcóns inscritos a concurso; a orixinalidade na ornamentación; a colocación de elementos accesorios tales coma xardineira ou colgantes; así como o enxeño ou capacidade para acadar unha decoración óptima en vivendas que carezan de balcóns ou que, a priori, non reúnan as mellores condicións para participar no concurso.
Saúdos
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
