A Mariña 29-9-17. Esta semana iniciou no centro de recursos que COGAMI (Confederación Galega de Persoas con Discapacidade) ten en Palmeiro, un curso AFD sobre Actividades de xestión administrativa.
Cofinanciado polo Fondo Social Europeo e a Consellería de Economía, Emprego e Industria, este curso pretende ser unha oportunidade para as 12 persoas que o iniciaron, 7 mulleres e 5 homes, unha cifra que incrementará en 2 persoas máis a partir da semana que vén. Todas estas persoas proceden dos concellos de Viveiro, Cervo, Burela, Barreiros e Ferreira de Valadouro.
Para poder apuntarse a esta formación, foi necesario ter discapacidade e/ou incapacidade laboral recoñecida para profesión habitual, ademais de estar en situación de desemprego e ser maior de idade.
O alumnado, a maioría co graduado na ESO ou FP1, terán que asimilar e controlar materias como operacións administrativas comerciais, xestión operativa de tesouraría, xestión auxiliar de persoal, rexistros contables, gravación de datos, xestión de arquivos, ofimática, ademais de sensibilización na igualdade medioambiental e de xénero e igualdade de oportunidades.
Ata finais do mes de xuño van asistir a clases de luns a venres en horario de mañá, de 9:30 a 14:30, ata completar a totalidade das 898 horas das que consta a formación e que, ademais das clases teóricas presenciais, tamén contarán con clases prácticas que realizarán en empresas da zona.
Todas as persoas que iniciaron esta formación estaban apuntadas na bolsa de emprego que ten o Servizo de Intermediación Laboral de COGAMI (SIL), que conta cunha base de datos na que hai 499 persoas inscritas como demandantes de emprego (315 homes e 184 mulleres con discapacidade) de toda A Mariña lucense.
Durante este ano, a través do SIL insertáronse 30 persoas, e a orientadora laboral, Raquel Grandío Montes, que se despraza ata a zona dúas veces por semana, orientou a 50 persoas e visitou 6 empresas para explicarlles que é COGAMI, como funciona o servizo de emprego que temos para as persoas con discapacidade e dos beneficioso que resulta darlle unha oportunidade laboral a unha persoa con discapacidade, non só porque existan beneficios fiscais, senón polo enriquecedor que resulta para a empresa coñecer a diversidade, outras realidades que existen o feito de poder ter contacto con elas.
Persoas con discapacidade de A Mariña estanse a formar en xestión administrativa con COGAMI
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
