Viveiro 24-10-17. O 24 de outubro celébrase o Día Mundial das Bibliotecas e, con este motivo, quero aproveitar a ocasión para facer un pequeno balance dos servizos ofrecidos na Biblioteca Municipal.
A nova Biblioteca Municipal abriu as súas portas ao público en marzo de 2013, instalándose no edificio histórico que anteriormente albergaba a casa do concello. As obras de restauración e habilitación duraron máis de tres anos e supuxeron unha inversión superior aos 400.000 euros. A Deputación Provincial de Lugo participou no financiamento destas obras a través do Plan de Obras e Servizos (POS), cunha achega en tres anualidades por importe de 351.850 euros; ademais, a Deputación Provincial de Lugo financiou de forma íntegra os 70.000 euros correspondentes ao mobiliario.
As instalacións da Biblioteca Municipal caracterízanse por presentar espazos amplos, luminosos e modernos, nos que predominan a madeira, o vidro e a pedra. Na planta baixa sitúase a recepción e a sala de exposicións que, ao longo de todo o ano, adoita acoller conferencias, presentacións e exposicións de todo tipo. Na primeira planta sitúase o fondo local antigo, onde os volumes máis antigos en se protexen en vitrinas, e as enciclopedias. Na segunda planta están os volumes de ficción -novela, poesía e teatro- e a zona de literatura infantil e xuvenil, na que se adoita dispoñer dos libros de lectura que piden nos centros educativos do municipio. Na terceira planta sitúase a área de ciencias -humanidades, pedagoxía, historia, xeografía, arte, filosofía, etc.- e mais a aula de informática, con ordenadores fixos nos que os usuarios poden conectarse a internet. Nas tres plantas hai salas de estudo e todo o inmoble conta con wifi gratuíto.
A día de hoxe a Biblioteca Municipal conta con 17.566 volumes e 2.209 asociados. Neste sentido cómpre destacar que nos últimos 6 meses se catalogaron 250 libros de literatura infantil e xuvenil e 220 para adultos, grazas ás subvencións recibidas, e que se deron de alta 133 usuarios. É necesario indicar, así mesmo, que a media de visitas diarias ascende a 60 persoas, ademais daquelas que se achegan a estas dependencias para facer uso das salas de estudo.
As bibliotecas son un recurso cultural fundamental e a súa labor sociocultural é imprescindible. Por esta razón, considero que é necesario fomentar a lectura e reivindicar a importancia das bibliotecas, entendidas como lugar de encontro para os lectores de distintas xeracións e, tamén, como fonte de cultura, coñecemento e formación. Neste sentido, no que vai de ano, dende a Biblioteca Municipal organizáronse tres actuacións, dentro do programa Ler Conta Moito, da Rede de Bibliotecas de Galicia, destinadas ao público infantil; estas actividades teñen unha gran acollida, esgotándose sempre as entradas dispoñibles. Ademais, a Concelleira de Cultura, Muller e Xuventude tamén está a realizar as xestións necesarias para ampliar a zona destinada ao público infantil e xuvenil con melloras destinadas a promover a lectura entre os máis pequenos. Todas estas accións forman parte das iniciativas que dende a Concellaría de Cultura, Muller e Xuventude se están levando a cabo nestes últimos anos co fin de dinamizar a Biblioteca Municipal, dándolle un impulso innovador a este espazo tan importante.
Por último, quero aproveitar esta celebración para agradecer e lembrar publicamente as xestións realizadas polo anterior alcalde. A rehabilitación da antiga casa do concello e o traslado da biblioteca a este inmoble fíxose durante o mandato de Melchor Roel, quen realizou as xestións necesarias para buscar o financiamento necesario para converter a antiga casa do concello nunha biblioteca moderna, céntrica e funcional, unha gran biblioteca que debemos valorar e disfrutar.
A alcaldesa
María Loureiro García
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
