Foz, 21 de outubro de 2017. O Concello de Foz ven de recibir o proxecto para a remodelación da rúa Álvaro Cunqueiro e o alcalde, Javier Jorge Castiñeira, espera que poida iniciarse a comezos do 2018. O presuposto total ascende a 1.280.000 euros. Ademais o rexedor focense anuncia que unha vez rematadas as obras na avenida da Mariña, abrirase ao tráfico a vindeira semana pero só para residentes, carga e descarga e usuarios de aparcamentos. A medida ten en principio carácter provisional e Castiñeira di que “se vai dar protagonismo ao peón nesta vía”.
O alcalde anunciou que o Concello de Foz acaba de recibir “o proxecto de execución definitivo da obra na rúa Álvaro Cunqueiro. Hai un proxecto integral de remodelación do núcleo urbano de Foz. A primeira fase está feita e ven de ser rematada esta semana, que é a da Avenida da Mariña. A segunda fase debería comezar unha vez que estea supervisado este proxecto que vimos de recibir para a rúa Álvaro Cunqueiro e pase xa ao período de licitación. Están previstos uns prazos máis ou menos aproximados de inicio desta obra posiblemente para primeiros de ano, moi probablemente para despois do Nadal”.
Javier Castiñeira salienta que “este proxecto ten un presuposto total de arredor de 1.280.000 euros, no que podería ser licitada esta obra, dos que financia 700.000 a Deputación de Lugo e 600.000 euros o propio Concello. Contempla facer unhas obras de reorganización nas que os acabados serán moi similares aos da avenida da Mariña. Ademais instalarase unha nova rede de pluviais, substituirase tamén a rede de alcantarillado e a de auga potable. Polo tanto é unha obra de bastante envergadura. A día de hoxe están analizando os técnicos municipais o proxecto que elaborou a asistencia técnica e intentaremos sacar a licitación o antes posible”.
Ademais o rexedor focense manifestou que “a avenida da Mariña está rematada e o Concello decidiu abrila moi probablemente antes do fin de semana que vén, imos dar un marxe para a semana que vén tomar unha serie de decisións. Pero eu creo que o que temos todos claro é que imos abrir soamente para residentes e para carga e descarga, e loxicamente tamén para usuarios que teñen aparcamento na propia rúa, pero os demais deberemos circular pola rúa Álvaro Cunqueiro en dobre sentido”.
Javier Castiñeira puntualiza que “esta decisión tómase de forma provisional durante estes dous ou tres meses que vai durar a licitación, e unha vez empece a obra na rúa Álvaro Cunqueiro tomaranse as decisións que sexan necesarias. Se hai que abrila ao tráfico por necesidade da circulación e das obras decidiremos facelo, pero nese momento. Agora imos dar un marxe a esta vía con protagonismo para os peóns”.
O alcalde subliña que “non se poderá aparcar nas zonas que había reservadas, só en carga e descarga para os vehículos autorizados, e só poderán pasar os vehículos de residentes e de usuarios de aparcamentos, como os dos dous supermercados que hai na avenida da Mariña e nas cercanías, que necesitan acceder por esas zonas. Como dicía o presidente da HACIA, a rúa ten que falar por si soa e eu creo que esa a liña que debemos establecer. Debemos darlle unha oportunidade, sobre todo agora que vai empezar dentro de pouco a campaña do Nadal. Eu creo que para todos é unha ilusión ver como esta vía, que está funcionando case como unha praza do pobo, vai tendo un efecto chamada para peóns, comerciantes e compradores. Eu creo que é unha boa oportunidade durante estes meses da época de Nadal ver como funciona”.
Castiñeira quere “aproveitar para dicirlles a todos os usuarios que teñan precaución nestes días de inicio e que a vía só estará aberta ao tráfico para usuarios de aparcamentos, residentes e para carga e descarga. O sentido de circulación será sempre desde a Casa da Cultura dirección a Burela e as rúas de saída serán García Lorca e Xoán Montes ou pola glorieta de Vilalba. O sentido do tráfico será sempre de Ribadeo cara a Burela”.
O Alcalde de Foz anuncia que a vindeira semana a Avenida da Mariña abrirase ao tráfico só para residentes, carga e descarga e usuarios de aparcamentos. E o Concello acaba de recibir o proxecto para a remodelación da Rúa Álvaro Cunqueiro
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
