Burela, 16 de novembro de 2017. O concelleiro de Deportes, Ramiro Fernández Rey, acompañou ao Burela FS ao encontro mantido co responsable da Área de Deportes da Deputación de Lugo, Pablo Rivera, para falar das axudas económicas do organismo provincial aos clubs. O edil socialista tamén aproveitou para expoñerlle as esixencias da Liga Nacional de Fútbol Sala para o pavillón Vista Alegre e outros asuntos relativos ao deporte de Burela. Fernández Rey saíu satisfeito desa xuntanza, e subliñou o compromiso de Pablo Rivera co Concello burelés e cos seus veciños e veciñas.
Ramiro Fernández explicou que “tivemos unha reunión na Deputación Provincial co deputado de Deportes, Pablo Rivera, que viña solicitada desde o Burela FS por mediación do Concello para falar de aspectos que tiñan relación coas axudas económicas que ía recibir o Burela FS e outros temas que eles tiñan interese en contarlle ao delegado”.
O edil dixo que “a reunión foi moi positiva, o Burela FS ten claro o sistema de axudas que vai ter a Deputación Provincial de cara ao ano que ven, que era unha das súas prioridades”.
Fernández Rey contou que “tamén falamos un pouquiño do tema do pavillón polideportivo. Agora mesmo hai unhas esixencias da Liga Nacional de Fútbol Sala que ten que cumprir, e falamos un pouco da implicación que puidera ter a Deputación no caso de ter que facer algunha obra ou incluso de ter que facer un novo pavillón. Neste caso Pablo Rivera mostrou o seu compromiso cos veciños de Burela e co Burela FS”.
O concelleiro de Deportes sinalou que “aproveitei para falar doutros temas de interese para o deporte de Burela, e teño que dicir que vin moi satisfeito desa reunión porque Pablo Rivera segue mantendo o compromiso cos clubs de Burela”.
Ramiro Fernández di que “falamos tamén do Festival Osa do Mar, desde a Concellería de Xuventude, e eu penso que para este ano o compromiso da Deputación Provincial vai ser máis importante que foi o ano pasado”.
O edil burelés quere “agradecer e mostrar satisfacción polo bo entendemento que hai neste caso entre o Concello de Burela e a Deputación Provincial, sobre todo o que a min me atinxe na Área de Deportes, e esperamos poder seguir contando con esa colaboración e esa amabilidade que ten co deporte de Burela a Deputación de Lugo”.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
