RIBADEO 16 DECEMBRO 2017. A choiva (tan necesaria e longamente agardada) foi nembargantes un atranco para a celebración da 6ª xornada da LNB NorLeste, que tivo que desplazarse ao pavillón de san Miguel de Reinante ante a imposibilidade de utilizar o campo de Fútbol da Faxarda, en Ribadeo.
Moi boa participación de palanadores. Superouse folgadamente o medio cento que puxo color e sobretodo calor nun xélido recinto deportivo do que tan a miudo votamos man e que agradecemos, a quen corresponda, a xentileza de porlo a nosa disposición sempre que lo precisamos.
Como se presumía, a pista rápida, foi xornada de varados, ainda que a colleita non foi excesivamente abondosa. Once en total repartidos entre dez palanadores e destacando Regueiro (Troitas Bravas) que acadou un par deles, o que lle permite porse ao comando da táboa de honra emparellado co “Carabullo” Isma.
Disque o cámbeo de escenario perxudicou a boa racha dos “Carabullo” na súa teima por pillar aos Billardeiros Musicais (o equipo con mais títulos da Conferencia NorLeste e da LNB). Hoxe tiveron que velos dende lonxe e ainda mais lonxe viron aos Chainzo-Cadaval e Troitas Bravas, ámbolos dous con igual puntuación.
A falta da derradeira cadeira, estaban con pleno tanto Pepe Vidal como Carlos Alvariño; o primeiro fixo valer a maior veteranía e redondeou a tarde saindo gañador. Alvariño tivo que conformarse con loitar polo segundo e terceiro posto con outros catro aspirantes (Pepe de Outeiro, David Navallo, Regueiro e Geni como representante femenina e codeándose cos mais grandes). David Navallo foi o mais acertado e o seu compañeiro de equipo Regueiro fíxose co terceiro caixon.
En donas temos que subliñar que hoxe todas elas raiaron a gran altura. Geni (Billardeiros Musicais) foi a primeira, Paula (Chainzos-Cadaval) a segunda con varado incluido e Lucia (Remourelle Bulls) terceira.
Por equipos, xa dixemos que remataron empatados no primeiro posto con 88 puntos Chainzos-Cadaval e Troitas Bravas. Para decidir o gañador da xornada recurriuse (como está regulamentado) ó xogador con mellor puntuación individual de cada equipo, coincidindo neste caso co gañador do aberto Pepe Vidal, daquela gañadores Chainzos-Cadaval.
Boa tamén a participación de Xulio Vilas e a súa dona Merche, do equipo “APB Santa Bárbara” de A Laracha, da conferencia NorOeste que tiveron a ben facernos unha visita e xogar con nos. Graciñas e agardamos que voltedes axiña.
Un fantástico galo xestionado por José Manuel (Mondoñedo, no mundo billardeiro), foi o agasallo principal e uns lotes de productos de Nadal para todos os gañadores. Parabéns e a seguir disfrutando da Billarda!
As clasifiacións logo da sexta xornada quedan asi:
Individual:
Charli (Carabullo) 129 p
Manu Pozo (Billardeiros Musicais) 118 p.
Regueiro (Troitas Bravas) 117 p.
Daniel (Billardeiros Musicais) 115 p.
Sachas (Troitas Bravas) 112 p
Donas:
Geni (Billardeiros Musicais) 92 p.
Paula (Chainzos-Cadaval) 85 p.
Carme (Troitas Bravas) 51 p.
Equipos:
Billardeiros Musicais (Ribadeo) 471 p.
Carabullo (Ponte Outeiro) 461 p.
Chainzos-Cadaval (Terra Cha/Castro Rei) 453 p.
A competición retomarase día 13 de xaneiro do vindeiro 2018 en Castro de Riberas de Lea, mais a billarda estará presente o sábado día 30, en Meira na homenaxe que se lle rendirá ao noso recordado compañeiro “Pepe da Flor”.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
