Lugo, 18 de decembro de 2017. A Deputada de Cultura, Pilar García Porto, a Deputada Provincial pola Comarca da Mariña, Mayra García Bermúdez, e a Alcaldesa de Viveiro, María Loureiro García, presentaron este luns na biblioteca municipal do municipio do Landro, un libro monográfico sobre a figura e obra de Maruja Mallo editado pola Deputación, a cargo da catedrática Victoria Carballo-Calero, quen participou tamén na presentación. Esta iniciativa forma parte da programación de actividades que o Executivo da Deputación ofrece con motivo de que a Real Academia Galega de Belas Artes decidiu homenaxear polo Día das Artes Galegas, á artista lucense Maruja Mallo.
García Porto apuntou que “a través desta publicación poñemos en valor a vida e obra dunha das artistas máis importantes que viu nacer a nosa provincia. Maruja Mallo foi pioneira nunha forma de entender a vida e o arte e un modelo a seguir. Mallo segue a ser exemplo de valentía, liberdade e defensa dos dereitos das mulleres, nun mundo de homes e nunha época de prohibicións e represión”.
Loureiro García subliñou que “Mallo é sen dúbida un dos expoñentes máis importantes das artes da nosa provincia, unha veciña que levou o nome de Viveiro alí por onde foi. É por iso polo que durante todo este ano, ofrecemos ducias de actividades dirixidas a recoñecer e pór en valor a súa figura, co fin de dar a coñecer as súas composicións artísticas que destacan pola súa altísima calidade”.
Carballo Calero agradeceu a colaboración do Goberno Provincial nesta publicación “que servirá para promocionar e dar a coñecer a inmensa obra desta artista lucense, pioneira para a súa época”.
Bolseira da Deputación
A artista viveirense mantivo unha estreita relación coa Deputación de Lugo durante varios anos da súa produción artística. A Mallo concedéuselle unha bolsa para estudos de pintura en Madrid que se ampliará máis tarde ata cumprir os 3 anos. Esa relación plásmase en obras coñecidas como o estudo realizado en lapis sobre papel, datado no 19 de outubro de 1927 e asinado co seu nome, Ana María Gómez, entregada ao organismo provincial e que hoxe forma parte da Colección do Museo Provincial de Lugo.
Maruja Mallo
Maruja Mallo naceu en Viveiro, en 1902, co nome de Ana María Gómez González e no seo dunha familia de boa posición. Xa moza, trasladouse a Madrid, onde mantivo relación con artistas como Margarita Manso, María Zambrano e Rafael Alberti. Durante a década de 1920 traballou para numerosas publicacións literarias e realizou portadas de varios libros, así como exposicións. En 1932 viaxou a París, onde entrou en contacto co surrealismo, e participou en parladoiros con André Breton e Paul Éluard. Dende ese momento a súa pintura cambia radicalmente, influenciada polo surrealismo. En 1937, debido á Guerra Civil que se estaba vivindo en España, viaxa a América, onde pasará o seu exilio en Arxentina e Estados Unidos. Regresou a España en 1962, onde realizou varias exposicións. En 1982 recibe a Medalla de ouro das Belas Artes, concedida polo Ministerio de Cultura. Finou en Madrid en 1995, a idade de 93 anos.
María Victoria Carballo-Calero
A autora do libro é catedrática de Historia da Arte Contemporánea da Universidade de Vigo. Académica de número da Real Academia de Belas Artes de Galicia. Correspondente das Reais Academias de San Fernando (Madrid) e Santa Isabel de Hungría (Sevilla). Decana da Facultade de Historia da Universidade de Vigo durante 8 anos. Vogal do Padroado do Centro Galego de Arte Contemporánea (CGAC). Premio Antonio López Ferreiro de Investigación Humanística 2010.
Algúns dos seus traballos máis destacados son: La ilustración en la Revista Nós (1983); Os Castelaos de Ourense (1985); Julia Minguillón y Maruja Mallo. El reencuentro con la modernidad en la posguerra (2001); Do realismo do Álbum Nós ao expresionismo das estampas de guerra (1916-1939); entre moitos outros. Recentemente, realizou a edición da obra Castelao en el arte europeo de Siro López (2015) e outros artigos como: “Caricatura e debuxo de humor”, en Castelao artista: Os fundamentos do seu estilo (105-1920), Museo de Pontevedra, (2016).
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
