Lugo, 13 de decembro de 2017. A Secretaría Xeral da Igualdade destina 161.500 euros a impulsar 10 proxectos empresariais lucenses liderados por mulleres e que inicialmente incorporan a 18 mulleres ao mercado laboral.
O delegado territorial da Xunta, José Manuel Balseiro, explicou que son achegas correspondentes ao Programa Emega, cofinanciados polo Fondo Social Europeo e que pretende fomentar o emprendemento feminino.
En todos os casos se trata da posta en marcha de novos proxectos de negocio salvo un, do ámbito dos seguros, que xa iniciara unha traballadora por conta propia e que con esta achega contrata a dúas mulleres por conta allea.
Entre as iniciativas beneficiadas atópanse negocios relacionados coa formación, centros de ocio infantís, restauración, comercio, produción teatral, transporte e construción. Catro das empresas constituíronse en Lugo capital, tres en Monforte de Lemos, unha en Ribadeo e tamén unha en Sober e en Burela.
As empresas beneficiarias están formadas por mulleres; os principais requisitos son que teñan o domicilio social e establecemento de produción en Galicia, que non pertenzan ao sector público nin sexan entidades sen ánimo de lucro.
O programa constitúe unha medida integral de promoción da igualdade no eido laboral, que persegue apoiar o desenvolvemento da actividade empresarial e accións favorecedoras da conciliación laboral e familiar, esenciais para o éxito da iniciativa emprendedora feminina. Deste xeito, búscase que aquelas mulleres emprendedoras que o desexen poidan materializar as súas ideas empresariais, contribuíndo tamén á creación de novos postos de traballo.
O programa Emega ponse en marcha a través de catro liñas de actuación específicas. A liña “Emprende”, que obtiveron 9 dos 10 proxectos lucenses, está destinada á posta en marcha de novas empresas. A liña “Activa” -que obtivo o décimo proxecto da provincia para a contratación de persoal- busca a reactivación e consolidación de proxectos empresariais. Tamén contempla a liña “Innova” para a promoción de melloras en empresas lideradas por mulleres e a liña “ITEF”, que se centra na axuda para a posta en marcha de iniciativas empresariais de base tecnolóxica.
Por outra banda, conta con dúas modalidades de axudas complementarias: a modalidade “Concilia”, de apoio á conciliación da vida laboral, e a modalidade “Dual”, para apoiar a participación das promotoras no programa de titorización, co obxecto de facilitar a implantación e consolidación dos proxectos empresariais subvencionados ao abeiro desta convocatoria. Dúas iniciativas empresariais da provincia tamén obtiveron axudas por estes conceptos.
Foi no quilómetro 0 da LU-P-4602. O 112 Galicia tivo coñecemento deste accidente pouco antes das 23:00 horas de onte. O particular que alertou indicou que un vehículo sufrira unha saída de vía e caera ao río. Ademais, o alertador pensaba que o condutor podía estar atrapado. Rapidamente, os xestores do 112 Galicia avisaron ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e a Agrupación de Voluntarios de Protección Civil de Pol. A dotación de bombeiros tivo que empregar o material de excarceración para liberar ao condutor, xa falecido logo do accidente.
Esta lembra ao poeta de Órrea no 127 aniversario do seu nacemento con música e baile tradicional e unha esfollada de millo, un traballo comunitario das noites de outono.
Unha iniciativa que desenvolve a Asociación de Mulleres Empresarias da provincia de Lugo (AELU) no marco do programa NINFAS, que conta cunha achega da Deputación de 35.000€.
A cita é ás 18 horas. Entrada de balde ata completar aforo.
Tivo lugar este luns na Casa do Mar como peche da programación do Concello de Cervo polo Samaín. As crianzas desfrutaron moito trazando ás súas personaxes favoritas.
Esta publicación, que se enmarca na serie Monografías de Cuadernos de Estudios Gallegos do Editorial CSIC, conta cunha introdución dos editores Carlos Baliñas e Carlos Andrés González. Ademais, tamén colaboraron neste traballo de investigación, que afonda na historia e na evolución do municipio mariñán dende o medievo ata a actualidade, Abel Vigo, Aurelia Balseiro, Mª Dolores Barral e Pegerto Saavedra.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
