Trasbar, 19 de decembro de 2017. O pasado sábado día 16 de decembro, as Asociacións de Veciños Nª Sª de Lieiro e Burgo de Trasbar, reuníronse de novo para referendar o seu Irmandamento. Nesta ocasión o encontro tivo lugar no Local social de “Burgo de Trasbar”, onde veciños de ambas as localidades, acompañados por autoridades locais, gozaron dunha agradable comida.
Tralo xantar, e logo do intercambio de agasallos entre ambas as Asociacións, tivo lugar a actuación do grupo “Sons de Celeiro”, que puxo un fantástico broche final a unha inesquecible xornada.
Con esta nova xuntanza, ambas as Asociacións, queren selar o Irmandamento firmado o 10 de xuño cando se reuniron por primeira vez en Lieiro coa idea de “facer pobo”, potenciando a convivencia entre persoas de ambas as aldeas e a realización de actividades en conxunto entre ambas as Asociacións.
Tralo xantar de Irmandamento, “Burgo de Trasbar” remota a súa actividade, e que mellor maneira de facelo que colaborando na recollida de alimentos organizada por Caritas.
Así, o día 17 de decembro, no horario habitual de apertura do seu Local social, recolléronse alimentos aportados polos veciños e veciñas de Trasbar. Seguindo as recomendacións dadas dende a Unidade Pastoral Burela-Cervo, a xente foi achegando todo tipo de alimentos non perecedeiros, pero sobre todo dos que máis se necesitan: Leite, cacao, azúcar, galletas, arroz, pasta, atún, salsa de tomate, aceite, produtos de hixiene como xel, pasta de dentes e deterxente e algún produto de nadal.
Dende o colectivo queren dar as grazas a todos aqueles que un ano máis colaboraron nesta iniciativa, e animan a participar a todos aqueles que non o fixeron xa que “a pesar de que oxalá estas cousas non fixesen falta, coa colaboración de todos, podemos conseguir que aqueles que atravesan dificultades, podan soportar mellor estas datas tan especiais”.
As Asociacións de Veciños de Lieiro e Trasbar reúnense de novo para referendar o seu Irmandamento
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
