Lugo, 16 de decembro de 2017. O Presidente da Deputación, Darío Campos Conde, o Deputado de Cooperación cos Concellos e Medio Ambiente, ademais de Alcalde da Fonsagrada, Argelio Fernández Queipo, xunto a membros dos cotos de caza e cazadores de toda a provincia, inauguraron este sábado a sala de despece de carne cinexética. É a 1º de carácter público de Galicia, pois construíuna e equipouna a Deputación en solitario cunha achega de 650.000 euros. O Concello da Fonsagrada cedeu ao organismo provincial unha finca na rúa Rodas para situala.
Campos Conde subliñou que “con este proxecto conxunto de Deputación e Concello buscamos impulsar a economía da provincia, contribuíndo á promoción e venda de produtos cinexéticos. A súa posta en marcha xa supuxo a xeración directa de 4 empregos, que son os das persoas que atenden estas instalacións. Cando estea a pleno rendemento, poderanse acadar beneficios de 70.000 euros ao ano, que se reinvestirán nos propios cotos de caza da zona, pois destinaranse a melloras no territorio, como traballos de roza, aperturas de camiños ou zanxas”.
Deste xeito, o Presidente detallou que, cando as instalacións funcionen ao 100% da súa capacidade, poderanse despezar uns 65 animais á semana. Isto significa que, durante os 7 meses de caza ao ano, seráns uns 1.820 exemplares os que se transformarán. Tendo en conta que cada animal ten uns 30 quilos de carne para a venda e que o centro paga 1,3 euros ao quilo, o volume de negocio será superior aos 70.000 euros. Son 4 as persoas contratadas para a prestación deste servizo.
Outro dos aspectos máis importantes desta iniciativa é que os fondos que proveñen da compra dos animais, van directamente á mellorar a actividade dos propios cazadores, a través do propio Coto, que realizará accións puntuais de mellora do territorio: roza, aperturas de camiños, zanxas…
Funcionamento do 1º Centro de Despece público en Galicia
O centro de despece da Fonsagrada está dirixido á comercialización de produtos de caza dos profesionais de diversos cotos da zona. Logo de ter capturado o exemplar, o cazador diríxese ao centro a depositar o animal. Alí, rexístrase o cazador que deixa o produto, así como o Coto ao que pertence. Isto faise porque os pagos pola carne fanse co propio coto, que despois o reinviste na actividade dos cazadores que o integran proporcionalmente ao número de capturas que fagan.
O proceso do despece dura uns 4 días. Os cazadores teñen que depositar o exemplar sen vísceras, con cabeza e con pel. Logo de telo rexistrado, o animal pasa ao depósito no que estará ao redor de 24 horas, ata que os veterinarios da Consellería fagan todas as probas sanitarias precisas para garantir o consumo destes produtos. De seguido, e xa sen pel, comézase co despece da carne en xamóns, paletillas, costela, solombos, chuletas e ragú. Posteriormente, pasase ao envasado en vacío e, por último, pasan ao túnel de conxelado no que estes produtos cárnicos están a -40º entre 24 e 26 horas. Logo deste proceso, os produtos cinexéticos tratados neste centro están listos para a súa comercialización a terceiros.
Prestación do servizo para cotos limítrofes
Esta infraestrutura promovida polos Gobernos municipal e provincial prestará servizo non só ao coto de caza da Fonsagrada, senón tamén aos outros 11 que hai na zona. Tendo en conta que por cada coto hai, de media, uns 200 cazadores, son uns 2.000 os profesionais da caza da contorna que poderán desfrutar deste servizo. Os cotos próximo son, 3 nos Óscos; Negueira de Muñiz; Navia de Suarna; Becerreá; Baleira; Ribeira de Piquín, Meira; e A Pontenova. Tamén os de Grandas de Salime ou San Antolín de Ibias, en Asturias. Estas instalacións están abertas e ao servizo dos cazadores que así o desexen.
Características do centro
O Goberno da Deputación construíu o centro con 300.000 euros. Fíxoo nunha finca de 800 metros cadrados, situada na rúa Rodas, que cedeu o Concello da Fonsagrada. Logo achegou outros 352.000 euros á adquisición e instalación do equipamento especializado para o despece, almacenaxe, conxelado ou embalaxe da carne. O inmoble, que supera os 500 metros cadrados, divídese en dúas plantas de 253 metros cadrados cada unha delas. Na planta baixa conta cos medios necesarios para desenvolver os traballos de despece e no semisótano os do seu posterior tratamento, pois conta con cámaras de conxelación de 25 metros cadrados, de embalaxe de 45 metros cadrados ou dunha zona de venda ao público de 13 metros cadrados.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
