Viveiro 20-12-17. Este xoves 21 de decembro de 2017 no THALASSO CANTÁBRICO LAS SIRENAS terá lugar o I Encontro Profesional do Sector Turístico celebrado polo Grupo de Acción Local do Sector Pesqueiro (GALP) A Mariña-Ortegal.
O evento dará comezo ás 16:30h e contará coa presenza de personalidades do sector turístico como Cesáreo González Pardal, o secretario do Clúster de Turismo de Galicia que alentará sobre a importancia da profesionalización do sector e a creación de sinerxias para o desenvolvemento local.
Neste I Workshop A Mariña-Ortegal, as empresas participarán en numerosas e reunións coa fin de crear relacións que impulsen a competitividade das empresas turísticas e en xeral todo o sector empresarial do territorio. Neste formato de encontro, cada entidade poderá elixir os seus intereses e programarase unha axenda personalizada seguindo as directrices e desexos de cada unha delas. Atoparan máis información e o formulario de inscrición na páxina web: www.workshopturismo.es.
Os Grupos de Acción Local do Sector Pesqueiro son grupos de entidades sen ánimo de lucro de carácter supra municipal de cooperación e compromiso. Este grupo está formado por distintos axentes tanto públicos como privados dos concellos de concellos de Barreiros, Burela, Cariño, Cedeira, Cervo, Foz, Mañón, Ortigueira, Ribadeo, Valdoviño, O Vicedo, Viveiro e Xove relacionados co mundo pesqueiro.
O GALP A Mariña-Ortegal celebra o I Encontro profesional do sector turístico
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
