Lugo, 29 de xaneiro de 2018.- O delegado territorial da Xunta en Lugo, José Manuel Balseiro, fixo hoxe entrega de dúas vivendas de promoción pública en Burela, ambas en réxime de alugamento.
A primeira é unha vivenda de tres dormitorios situada na rúa Luis Seoane, de 83 metros cadrados de superficie e dotada con garaxe e trasteiro. Igualmente, entregouse outra vivenda de dous dormitorios e 65 metros cadrados situada na rúa Valle Inclán, tamén con garaxe e trasteiro.
Balseiro lembrou que o Instituto Galego da Vivenda e Solo (IGVS) dispón aínda de vivendas vacantes nestas promocións construídas en Burela, e instou ás persoas interesadas a consultar as condicións e inscribirse no Rexistro Único de Demandantes de Vivenda Protexida.
Neste sentido, lembrou que nos vindeiros días se celebrarán os sorteos dos que sairán os listados de adxudicatarios dos distintos municipios, que toman como base o censo do Rexistro Único de Demandantes.
Balseiro incidiu en que neste momento hai concellos que xa esgotaron os listados e non quedan persoas interesadas para facer chamamentos pese a ter vivendas baleiras, situación que se da, por exemplo, en Viveiro, onde hai pisos situados en pleno casco histórico.
A inscrición no Rexistro pode realizarse presencialmente ou a través da sede electrónica da Xunta e ten unha vixencia de tres anos. Cada interesado pode sinalar un máximo de tres concellos na solicitude: un como preferente e dous máis como subsidiarios, que deben de ser limítrofes co indicado como preferente ou estar na mesma área de influencia.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
