Burela 13-1-18. O Pescados Rubén Burela FS arrinca con forza o ano e a segunda volta recollendo un valioso punto na visita do sólido FS Valdepeñas (3-3) a Vista Alegre. O equilibrio sobre a pista entre dous equipos moi ordenados reflectiuse no electrónico nun continuo tira e afrouxa; os de Juanma Marrube conseguiron chegar ao descanso con empate 1-1 e lograron adiantar en dúas ocasións no segundo acto.
A vantaxe do Valdepeñas chegou superada a medianía do primeiro acto, de rexeite. No minuto 11, Edu freou o disparo de socato do pichichi visitante, Dani Santos, e neutralizou no rexeite a Manu García, pero non puido evitalo de novo ante Dani. Na recta final, Edu estivo incomensurable evitando o segundo dos castelano-manchegos, nun corpo a corpo fronte ao ex dos laranxas, Mimi, a falta de 26 segundos. Vista Alegre recibiu en descanso en volandas, coa igualada a tan só 9 segundos, cun penalti sentenciado por Chus, tras amonestación de Mimi sobre Hélder.
Volveron ben ao parqué os de Juanma Marrube, con protagonismo goleador das Xoias Laranxas, para acabar coa comodidade dos visitantes. No 24, Renato gañou fronte a Mendiola tras pase en galopada desde a banda de Hélder. Pero non tardou en chegar o empate, no 26, con Manu García, desde saque de banda. No 31, volveu tomar a iniciativa o Pescados Rubén a balón parado tras falta de Iván Quintín; Héctor puxo o broche de ouro ao seu debut coa camiseta laranxa anotando o 3-2, pegado ao segundo pau, en pelota iniciada por Renato. Hélder tivo o cuarto nunha prodixiosa contra que conseguiu repeler Mendiola coas mans; transcorría no marcador o 33 de xogo. A poucos segundos, o Valdepeñas recuperou o equilibrio, para máis emoción, nun penalti transformado por Kike (minuto 34). Viviu unha recta final a Bomboneira de vertixe; Héctor tivo na ocasión de ouro nos últimos segundos, que finalizou nas mans de Mendiola, con lanzamento longo, caendo en Edu, sobre a bucina.
Ficha técnica
Pescados Rubén Burela FS: Edu, Hélder, Chus, Colacha, Renato, cinco inicial; tamén xogaron Víctor, Luisma, Pope, Héctor
FS Valdepeñas: Mendiola, Iván Quintín, Dani Santos, Manu García, Nacho Pedraza, cinco inicial; tamén xogaron Mimi, Juanan, Kike, Caio Alves, Zamo, Rodrigo
Goles: 0-1, minuto 11, Dani Santos; 1-1, minuto 20, Chus (penalti); 2-1,minuto 24, Renato; 2-2, minuto 26, Manu García; 3-2, minuto 31, Héctor; 3-3, minuto 34, Kike (penalti)
Árbitros: Montero Galán // Navarro Rodríguez (Castela e León). Por Burela amarela a Edu (minuto 21), Renato (minuto 30), Pope (34), Luisma (40), Víctor (40), Álex (40), Hélder. Por Valdepeñas amarela para Mimi (20), Kike, Iván Quintín (minuto 31)
Incidencias: Partido correspondente á xornada 16 de Segunda LNFS, disputado en Vista Alegre ante unhas 1000 persoas.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
