Cervo, 12 de febreiro de 2018.- O Concello de Cervo traballa dende primeira hora da mañá na reparación da tubaxe dun dos filtros que provocou o baleirado, case completo, da piscina olímpica municipal de Lieiro.
O rexedor, Alfonso Villares, apuntou “que a avaría tivo que producirse onte domingo, que estivo pechada a instalación, porque o sábado funcionou con total normalidade; e foi esta mañá cando detectamos o problema”.
Villares suliñou que “dende o minuto un, que tivemos coñecemento da avaría, estamos a facer todos os traballos necesarios para recuperar canto antes a normalidade, e xa nos puxemos en contacto cos provedores cos que traballamos para adquirir as pezas danadas; pero este problema provocará que teñamos que pechar a instalación durante uns días, mentras se acometen os traballos e se volve encher a piscina”.
O alcalde recordou que sabemos que temos unha instalación única na provincia de Lugo, e das poucas que hai en Galicia, o que supón para nós unha honra, sen dúbida, pero loxicamente os gastos de mantemento tamén son importantes; e seguramente por iso, moitas grandes cidades non apostaron por instalacións deste tipo.
Temos que estar moi orgullosos da piscina, que é un luxo, e ter en conta –engadiu- “que son problemas ocasionais como os que nos podemos atopar nos nosos fogares, de xeito fortuíto, sen causa aparente”.
O Concello de Cervo traballa na reparación da tubaxe dun filtro que provocou o baleirado da piscina olímpica municipal
Relacionado
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
