Ribadeo, 9 de marzo de 2018. A Asociación de Profesores de Automoción de Galicia (APAGA) organiza unha nova fin de semana tecnolóxica, mañá sábado, en Ribadeo. No curso de soldadura TIG, que se desenvolverá en Talleres Cartoy, participarán quince persoas. Será impartido polo profesor Andrés Álvarez, do Centro Integrado de FP de Avilés e será en horario de dez da mañá a oito da tarde.
O presidente de APAGA, Álvaro Doural, explicou que “continuando co programa das fins de semana tecnolóxicas que a asociación ven a desenvolver desde comezo de ano, neste sábado, día 10, imos celebrar un curso de soldadura TIG no que van participar aproximadamente sobre 15 persoas, principalmente técnicos de empresa”.
Doural dixo que “estes cursos de soldadura están tendo unha acollida impresionante. Estase quedando bastante xente fora. Veremos a ver como podemos máis adiante programar outros. Están cumprindo os obxectivos previstos e a xente está marchando cunha boa satisfacción”.
O presidente da Asociación de Profesores de Automoción de Galicia cre que “se reúnen as condicións adecuadas, unhas boas instalacións, uns bos equipos e un excelente profesor que realmente ven aportar grandes cousas. Está servindo para que todos estes técnicos de empresa, das empresas de aquí da zona, poidan perfeccionar a súa técnica e coñecer novos procesos de soldadura. Creo que se está facendo un traballo moi importante”.
Álvaro Doural engadiu que “se vai celebrar en Talleres Cartoy, no polígono industrial de Ribadeo, en horario de dez da mañá a oito da tarde”.
APAGA perfila tamén as vindeiras fins de semana tecnolóxicas nas que se abordarán cuestións como os aparatos de medida ou o son.
Apaga organiza este sábado, un curso de soldadura TIG no que participarán 15 técnicos de empresas da comarca. Terá lugar en talleres Cartoy en Ribadeo
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.