Ribadeo, 8 de marzo de 2018. ACISA Ribadeo continúa coa organización da súa VII Gala, que se celebrará o 16 de marzo. O evento será conducido polo monologuista Javi González. O prazo para a retirada das tarxetas remata o día 15.
ACISA Ribadeo recomenda a aquelas persoas que estean interesadas en asistir a esta gala que fagan a súa reserva o antes posible para unha mellor organización do evento. As reservas e compra de tarxetas poden realizarse nas oficinas de ACISA Ribadeo, na Avenida de Galicia, 20-2ª planta, en horario de 10:00 a 14:00 horas e de 16:00 a 19:00 horas de luns a venres, a través do e-mail info@acisaribadeo.es, no WhatsApp no 663 39 62 26 ou no Parador de Turismo de Ribadeo.
O xerente de ACISA Ribadeo, Jesús Pérez, quere “animar a todos os socios a asistir, xa que esta gala tamén serve como foro de debate, de intercambio de opinión, así como para fixar lazos entre os membros da asociación. Tamén quero animar a que acudan aos non asociados, sexan empresarios ou cidadáns non relacionados co sector a asistir a esta gala, xa que moitos queren acompañar aos premiados nun día tan especial”.
Pérez anuncia que “este ano contaremos co monologuista Javi González, gañador de numerosos concursos de comedia, que se encargará de presentar a gala cun ton humorístico, e facela deste xeito moito máis amena, sempre desde o respecto. Ademais ofrecerá un monólogo que garante un peche de gala moi divertido”.
O xerente da Asociación de Comerciantes, Empresarios, Servicios e Autónomos engade que “o menú que este ano prepara o Parador para a VII Gala de ACISA Ribadeo consta dun primeiro prato que é un arroz caldoso con froitos do mar, muslo de pato confitado con salsa agridoce e patacas bola de segundo, e como postre xeado de queixo do Cebreiro con mel de Antas, ademais de auga, viños, cafés e licores. Ademais o Parador dá a facilidade a aquelas persoas que teñan unha alerxia de comunicalo para adaptar o menú”.
Na VII gala de ACISA Ribadeo serán premiados os propietarios de O Bodegón, Florentino Martínez Peláez e Mercedes García López, que recibirán o recoñecemento a toda unha carreira empresarial. O premio como socio honorífico recibirano José Luis Méndez Morán e América López Oliveros, fundadores de Ferraxería Morán. E o galardón como socio do ano será para José Ramón Leal Segura, propietario de Galería Terra Branca.
Eleccións en ACISA
Desde ACISA lembran que o prazo de presentación de candidaturas para renovar a xunta directiva de ACISA Ribadeo remata o 12 de marzo ás 19:00 horas.
O xerente de ACISA declara que “ata o momento non se presentou ningunha candidatura. Insistimos en que calquera asociado que estea interesado en formar unha ou o estea pensando, pode acudir ás nosas oficinas xa que a xerencia de ACISA está á súa total disposición para amosarlles as contas ou calquera documentación que desexen”.
Jesús Pérez lembra que “o vindeiro día 19 se celebrará a asemblea extraordinaria na que, de non presentarse ningún candidato, os socios deberán decidir sobre o futuro inmediato da asociación, tanto no relativo á elección da xunta directiva como das actividades a realizar nos meses seguintes debido a que a actual xunta directiva está en funcións”.
Campaña do Pai
ACISA Ribadeo ten convocado un concurso fotográfico con motivo da súa campaña do Día do Pai, e Jesús Pérez comenta que “xa contamos con 60 participantes. Animamos á xente a que siga subindo fotos á plataforma que está operativa ata o 18 de marzo ás 23:59 horas, e tamén a que entren para votar á que máis lles guste”.
Jesús Pérez lembra que “haberá unha fotografía gañadora, que será a máis votada polo público en Facebook, e que contará cun premio de 200 euros, e as tres seleccionadas por un xurado, formado por profesionais da fotografía e por membros de ACISA, con premios de 150, 100 e 50 euros, serán elixidas entre as vinte máis votadas polos usuarios de Facebook”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
