Lugo, 9 de marzo de 2018. O Goberno da Deputación aproba destinar 300.000 euros de remanentes do Plan Único 2017 á realización de máis obras nos Concellos. Así o informou o Presidente, Darío Campos Conde, este venres logo de aprobar na Xunta de Goberno a reinversión de 150.000 euros de remanentes ao Concello de Lugo, tal e como solicitou a Alcaldesa, Lara Méndez López. Campos Conde explicou que este orzamento súmase a outros 150.00 euros xa aprobados en sesións anteriores, o que supoñen un total de 300.000 euros. Grazas á aprobación destes fondos, poderanse realizar 14 novas obras, que se engaden ás 246 xa contempladas no Plan Único, facendo un total de 266 actuacións. Trátase dunha cifra que previsiblemente irá aumentando conforme se adxudiquen o 100% dos traballos.
“Como vedes dende o Goberno seguimos a traballar para converter á Deputación na administración que máis inviste en obra pública na provincia, tanto de xeito directo, como a través dos propios Concellos. Somos a institución sobre a que descansa un dos piares fundamentais da economía da provincia, como é o da construción que é un dos motores de xeración de emprego máis importantes para a provincia”, apuntou.
O titular provincial lembrou que no 2017, a Deputación investiu máis de 30 millóns de euros para realizar actuacións en obra pública das que son preto de 20 millóns licitados, aos que hai que engadir os 13 millóns do Plan Único que contratan os municipios, pero que son fondos provinciais. Pola conta, a Xunta de Galicia que, a pesares de ter un orzamento 100 veces superior ao da Deputación, licitou 21,3 millóns de euros, case un 10 % menos que en 2016; e o Goberno Central 6.9 millóns, 124 menos que o ano anterior.
Listaxe de obras novas a executar: en Lugo, ampliación do saneamento nas Saamasas, Pavimentación en república Argentina e pavimentación en Avenida de Garabolos; en Trabada, acondicionamento e rexeneración de vias municipais de A Órrea e A Cadeira; en Burela: reposición de pavimento e marcas en Rúa da Estación; en Becerreá, pavimentación en Feira Vella, camiños Veciñais en Armesto, mellora de eficiencia enerxética en alumeado nas rúas Valgamarín, Caldeiro e Campo do Pacio e instalación dun cazo de limpeza de oscilación; en Cervantes, cerramento do edificio de servizos múltiples en San Roman e pavimentación e accesos nos núcleos de castelo de frades, Rionaval e Airoá; en Pedrafita do Cebreiro, mellora e pavimentación de camiños en Zanfoga e en Viveiro, reforzo do firme en Camiño Real da Costa, no núcleo urbano de Celeiro.
360.000 euros en estradas
A Xunta de Goberno adxudicou a contratación dos traballos de mellora da LU-P-1201, de Souto de Torres a Sobrado, con case 360.000 euros. Os traballos consistirán na adecuación do firme con aglomerado en quente, así como no incremento da seguridade da vía, instalando nova sinalización horizontal e vertical, dun treito de 2,4 quilómetros desta vía.
Impulso ás residencias
A Xunta de Goberno acordou hoxe varias medidas orientadas a impulsar a posta en funcionamento das residencias e centros de día. O Goberno da Deputación aprobou tramitar con carácter inmediato un Protocolo Xeral de actuación cos Concellos que se adhiran ao sistema de cooperación intermunicipal da rede de residencia da Deputación. Tamén se deu orde aos distintos servizos de que lle dean prioridade á tramitación administrativa para a posta en funcionamento coa maior celeridade posible destes equipamentos altamente demandados. Asimesmo, o Goberno da Deputación acordou demandar colaboración das distintas Administracións públicas, nomeadamente a Xunta de Galicia. A Xunta de Goberno acordou, ademais, tendo en conta un informe emitido pola Secretaría Xeral da Deputación, declarar a perda de condición de medio propio de SUPLUSA para a prestación de servizos sociais.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
