Trabada, 15 de marzo de 2018.- O PP de Trabada responsabiliza á alcaldesa e á Deputación de Lugo de impedir a apertura da residencia, agora que xa conta co PIA (Permiso de Inicio de Actividade) que vén de concederlle a Xunta de Galicia o pasado día 13 de marzo. O Grupo Municipal do Partido Popular de Trabada sostén que o retraso na posta en funcionamento se debe exclusivamente a que o Goberno provincial aínda non ten aprobada a ordenanza que fixa os prezos por praza destes centros, polo que son os socialistas os que non teñen feitos os seus deberes.
“Non se pode saír na prensa presumindo e despois ser responsables directos do retraso na apertura da residencia”, indican.
Desde o PP amosan as súas sospeitas porque tanto a alcaldesa como o presidente da Deputación, os socialistas Mayra García e Darío Campos, teñan intención real de abrir este centro de maiores cando ademais a pasada semana ambos os dous votaron a favor de retirarlle as competencias a Suplusa para a xestión dos centros.
Así, desde o Grupo Municipal do PP recordan que primeiro os socialistas fixeron todos os trámites a través da Sociedade Urbanística Provincial, por ser quen ten a encomenda de xestión (incluída a construción e xestión) sobre as residencias, pero o pasado venres deron un xiro inexplicable na súa acción retirándolle as competencias a Suplusa para darllas á Deputación.
Unha actitude “incomprensible”
Esta decisión, precisan, podería traer consigo un novo retraso na apertura dos centros xa rematados e que contan con todos os permisos necesarios para a súa entrada de funcionamento, como é o caso da residencia de Trabada e a de Castroverde. A propia alcaldesa de Trabada, Mayra García, votou a favor deste cambio na Xunta de Goberno da Deputación, da que é membro, polo que apoiaría tamén ese retraso na apertura da residencia do seu Concello, unha actitude que desde o PP consideran “incomprensible”.
Así as cousas, os populares queren que se aclare tamén se segue a ter validez o convenio asinado no ano 2011 entre o Concello e Suplusa para a construción e xestión do centro de atención á terceira idade, cómo será o modelo de xestión, qué prazos manexan para poñelo en funcionamento e qué teñen previsto facer coas persoas que fixeron as probas de selección e seguen á espera de empezar a traballar.
Os populares de Trabada consideran que “cada día que pase” coa residencia pechada será responsabilidade de Mayra García, que como alcaldesa e deputada provincial está a poñer atrancos para impedir que as instalacións poidan empezar a funcionar. Lamentan que a falta de entendemento e os desaguisados internos que ten o PSOE na Deputación vaian manter paralizadas unhas instalacións nas que se investiron preto de 1,5 millóns de euros.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
