Ribadeo, 12 de marzo de 2018. Ás sete desta tarde expirou o prazo de presentación de candidaturas para proceder á renovación da xunta directiva de Acisa. E segundo confirman desde a xerencia da asociación “non se presentou candidatura algunha”.
A xunta directiva en funcións fai un chamamento a todos os asociados e asociadas para que acudan á asemblea extraordinaria que se celebrará o vindeiro luns, 19 de marzo, ás 20:30 horas para falar do futuro da Asociacións de Comerciantes, Industriais, Servizos e Autónomos. “Nesa xuntanza consultaremos aos asistentes os pasos a dar a partires de agora. E unha vez analizado todo o que alí debatamos establecerase a convocatoria dun segundo proceso electoral para proceder á renovación da xunta directiva de Acisa, que segue a traballar, atopándose en funcións. Tamén nesa asemblea se dará cumprida información das vindeiras campañas previstas por Acisa e se pedirá autorización aos asistentes para levalas adiante”, engaden desde a xerencia.
Próximas actividades
Acisa celebrará a súa VII Gala o vindeiro venres, día 16, a partir das 21:30 horas no Parador de Turismo, un evento ao que asistirán un cento de persoas. Desde a asociación lembran que “ata o xoves, día 15, é posible retirar as tarxetas para acudir á Gala tanto nos locais de Acisa como no Parador”.
A asociación ribadense tamén ten aberto o VIII Concurso Fotográfico Día do Pai no que repartirá 500 euros en premios.
O eslogan elixido para a oitava edición do certame é O amor por un pai non ten prezo, pero si premio. Os traballos pódense presentarse a través do Facebook de Acisa Ribadeo ata o 18 de marzo.
As imaxes débense subir á páxina do Facebook de Acisa, mediante a app instalada a tal efecto. O prazo máximo de envío será as 23:59 horas do día 18 de marzo, que será cando a app do Facebook deixe de admitir imaxes, e nese mesmo momento saberase o gañador do premio do público, que será a fotografía máis votada polos seguidores do Facebook de Acisa.
Entre as 20 imaxes máis votadas na aplicación (agás a gañadora do Premio do Público), realizarase unha selección por parte do xurado das tres mellores, entre as que sairá o Premio do Xurado.
A publicación oficial dos gañadores realizarase o día 19 de marzo nas redes sociais e nos medios de comunicación.
Ata o momento xa se presentaron 77 imaxes ao VIII Concurso Fotográfico Día do Pai. Desde Acisa animan a participar no certame “aínda quedan uns días para subir as imaxes ao facebook. Calquera persoa que o desexe pode participar, xa que hai interesantes premios en xogo”.
Haberá un único premio do público que estará dotado de 200 euros en vales de compra de Acisa, e no Premio do Xurado haberá un primeiro premio de 150 euros en vales de compra de Acisa, un segundo premio de 100 euros en vales de compra de Acisa, e un terceiro premio de 50 euros en vales de compra de Acisa. O galardoado deberá responder á chamada telefónica que se realizará dende as oficinas da Asociación de Comerciantes, Industriais, Servizos e Autónomos, tras o veredicto do xurado. Realizaranse tres intentos e no caso de non atender á chamada pasarase ao seguinte seleccionado.
As fotografías premiadas e as presentadas poderán ser utilizadas nas diferentes plataformas de difusión de Acisa, co único obxecto de promocionar a fase participativa do concurso.
Rematou o prazo de presentación de candidaturas para proceder á renovación da xunta directiva de Acisa, sen que se presentase ningunha
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
