VIVEIRO/ALFOZ, 9 de marzo de 2018.- Os deputados no Parlamento de Galicia e no Congreso, Daniel Vega e Jaime de Olano, elexiron dúas empresas do sector forestal da Mariña, situadas en Viveiro e en Alfoz,para poñer en valor a necesidade de apoiar o mercado da madeira, pois son máis de 20.000 mariñanos os que benefician cada ano da venda deste produto.
Deste xeito, e segundo o informe publicado recentemente por Promagal, entre outras entidades, a maioría dos ingresos que se perciben na comarca xorden na súa inmensa maioría da produción do eucalipto. Por este motivo, os populares criticaron, no encontro que mantiveron con representantes das entidades indicadas, que outros Partidos, na distintas cámaras parlamentarias, pretendesen incluír esta especie no Catálogo Español de Especies Exóticas Invasoras, aprobado polo Real Decreto 630/2013, “a sabendas de que coñecen que non existe nin base, nin consenso científico para elo e que a súa explotación reverte na creación de empregos na comarca”.
Segundo a mesma fonte, en cada concello da Mariña hai unha media dunhas 4.000 hectáreas de monte con madeira que está nas condicións axeitadas para ser cortada. Precisamente, desta masa arbórea, unhas 300 toneladas son de eucalipto; é dicir, a maior parte da produción madereira nesta comarca procede desta especie. Este datos son os que levaron aos deputados a defender que “debemos de abandonar os debates estériles e, de cara ao futuro, avanzar na ordenación do monte”; pois isto, engaden, “levaría aparellado unha delimitación máis clara das plantacións de eucalipto e os lugares para facelo”.
Os deputados da Mariña puntualizaron, asemade, que un impulso desta actividade é a única forma de fixar poboación e de reducir o abandono das fincas; o que contribuiría tamén a minimizar o risco de incendios.
En clave autonómica
Con un 8% do total da superficie forestal arbolada, Galicia acapara o 50% das cortas de madeira do país, liderando esta porcentaxe o eucalipto, que se sitúa nun 19% fronte ao 1,5 de coníferas e o 7,5% das frondosas. “O eucalipto hai que velo como unha oportunidade económica porque é o principal recurso económico do sector forestal na provincia e en Galicia. É dicir, se aumentamos o abastecemento de eucaliptos, as fábricas van aumentar a súa capacidade na transformación”, subliñaron.
Concretamente, o sector forestal aporta máis do 9% ao PIB galego e xera máis do 12% do emprego industrial na Comunidade. Só en emprego directo, en Galicia existen máis de 1.800 empresas que traballan con esta especie, exportando máis do 90% da súa produción a Europa.
Empresas de referencia
Tanto a empresa de Viveiro, Pigueiras, como a de Alfoz, Costiña, son dúas factorías referentes na produción forestal provincial e autonómica. A primeira conta con 2.000 metros cadrados de capacidade diaria, e todos os seus produtos dispoñen de certificados de calidade tanto na súa fabricación como no seu desenvolvemento. Traballa, fundamentalmente, para garantir a repoboación e o coidado co medio ambiente.
No caso de Costiña, con máis de 70 anos de experiencia no sector, dispón de dúas prantas para o desenvolvemento da súa actividade, unha situada en Bacoi, onde realizan os tratamentos da madeira, e outra en Avilés, destinada ao deseño e fabricación de embalaxes a medida.
Máis reunións
Vega e Olano enmarcaron esta xuntanza no obxectivo de “analizar as preocupacións e necesidades que ten o sector para intentar darlles unha resposta axeitada dende os ámbitos e administracións con competencias na materia”.
A maiores, tamén comprobaron o traballo diario que desenvolven estas dúas empresas, convencidos de que o contacto directo cos traballadores é vital. A este respecto, adiantaron que, “dende o Partido Popular, seguiremos visitando iniciativas privadas e apoiando a comarca para traducilo en feitos”.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
