Burela, 10 de maio 2018. Este venres 11 de maio, ás 20:30h, o BNG abre as portas da súa nova sede en Burela, na Avda Arcadio Pardiñas, 80, Entrechán A. Este local, ademais de albergar actividades propiamente orgánicas, servirá tamén para acoller encontros coa veciñanza e cos diferentes colectivos da sociedade burelá co fin de contrastar ideas e propostas para unha Burela mellor.
Olalla Rodil informará de diversas iniciativas levadas ao Parlamento relativas a Burela e á Mariña
Neste acto de inauguración @s nacionalistas burelaos estarán acompañados por cargos orgánicos e institucionais do BNG na Mariña, coa responsable comarcal Ana Ermida ao frente, e contarán coa presenza da deputada no Parlamento de Galiza, Olalla Rodil, que aproveitará a ocasión para dar conta das últimas iniciativas presentadas no Parlamento, informando á veciñanza do resultado das mesmas. Neste sentido, informará da presentación dunha iniciativa realizada no mes de novembro na que se solicitaba a creación do servizo de fisioterapia no Centro de Saúde de Burela e que o Partido Popular rexeitou ao non considerar necesario este servizo no Centro de Saúde.
Outra das iniciativas que a deputada nacionalista vén de presentar no Parlamento é a problemática existente na comarca co Servizo de Pediatría nos centros de saúde de Burela, Cervo e Xove, donde non se cubren baixas nin vacacións de persoal médico. Problemática que se produciu noutros concellos da comarca tamén, e moi especialmente en Alfoz e Valadouro, donde xa non contan con ese servizo nos seus respectivos centros de saúde.
Neste acto de inauguración da nova sede presentarase tamén o último número do boletín informativo do BNG en Burela, O Faro, no cal se dá información da actividade política e municipal na localidade.
- Cervo foi escenario este domingo da XVIII Monográfica Rexional de Galicia de Boxer
A cita tivo lugar no Conxunto Histórico Artístico de Sargadelos e contou cunha trintena de exemplares inscritos. Ata alí achegáronse a rexedora, Dolores García Caramés, e o edil de Zona Rural, Adrián Arias, que compartiron un anaco moi agradable con criadores e afeccionados neste evento que é foi todo un escaparate do mellor da cría desta emblemática raza. A xuíza Ana Paola Díaz Esteban foi a encargada de xulgar a todos os participantes nas diferentes categorías, con premios para o mellor boxer nacido en Galicia, o mellor veterano, a mellor promesa, o mellor xove ou o mellor de raza, entre outras moitas categorías. - A Pomba do Arco organiza o venres 27 de xuño, ás 20:30, na Casa da Cultura Poeta Manuel María de Foz unha palestra de Sami Ashour sobre o xenocidio israelí en Palestina
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí. - O II Galego e Interautonómico de Kung Fu celebrouse a pasada fin de semana no Pavillón do CEIP Península da Paz
Contou con máis de 150 inscricións de toda Galicia, Asturias, Castela e León, Cantabria, País Vasco e Madrid. A alcaldesa, Dolores García Caramés, participou na entrega de diplomas desta competición organizada en colaboración coa Federación Galega de Kárate. - Ribadeo acolleu esta fin de semana un curso de Taci Chi impartido polo gran mestre Liming Yue
Estivo organizado por Chen Style Tai Chi Center, de Gijón, coa colaboración do Concello. O gran mestre Liming Yue é embaixador mundial da promoción do Tai Chi pola organización de Chenjiagou e as autoridades do goberno local en China en 2009, debido á súa grande contribución e logros no Tai Chi do estilo Chen. Ata o pavillón da Rúa Alfredo Deaño se achegou o alcalde, Dani Vega, que saudou aos asistentes, á organización e ao gran mestre Liming Yue. - Rematou a tempada de Brincos de Lecer en Cervo
A alcaldesa, Dolores García Caramés, estivo con eles/as durante a clausura da actividade. - A Deputación apoia a XIII edición do Festival Aturuxo de Bravos, que se celebrará os días 19 e 20 de xullo
A Deputada de Economía, Recadación, Facenda e Especial de Contas, Carmela López, participou este sábado na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas. - Coa visita de mascotas, con doce, velas e menú conmemorativo tivo lugar a celebración do 6º aniversario da posta en marcha do centro de atención a persoas maiores de Ribadeo
Xunto aos residentes estiveron o alcalde, Dani Vega, e a concelleira de Servizos Sociais, Elena Sierra, que quixeron compartir con eles esta data tan especial e pasar unha mañá moi agradable de conversa e de festa.
2021 Crónica 3 A Mariña - Implementado por GaliciaDigital