O Concello de Cervo estrea unha nova rampa no tanque de tormentas do parque Reina Sofía que permite o acceso á maquinaria pesada para a súa limpeza

Cervo, 29 de Maio de 2018. Esta mañá o alcalde de Cervo, Alfonso Villares e Manuela Méndez, a edil de Medio Ambiente e Sanidade supervisaron a nova rampa para o tanque de tormentas situado no Parque Reina Sofía de San Cibrao xunto cos operarios do Concello.

Esta nova rampa serve para facilitar o acceso ao tanque por parte da maquinaria pesada que se encarga de limpar o tanque. Esta limpeza realízase catro veces ao ano e é necesaria debido á cantidade de sedimentos e area que se deposita ao longo de todo o ano.

O custo da rampa ronda os 4.000€ e os custos de cada limpeza do tanque sitúanse arredor dos 1.500€, a maiores do custo do persoal municipal que se fai cargo dos traballos de limpeza.

Para Alfonso Villares a construcción do tanque de tormentas “foi un gran acerto debido á súa necesidade, xa que tendo en conta a orografía do pobo de San Ciprián hai moitas casas que están a nivel, ou mesmo por debaixo, do nivel domar, e hai que recoller todas as augas residuais destas casas”.

Para a edil de sanidade e medio ambiente, Manuela Méndez “tanto estos traballos de saneamento como os de mantemento e limpeza do tanque de tormentas son necesarios e desde o Concello de Cervo estamos a facer todo o posible para que o saneamento das nosas augas residuais sexa o máis correcto posible”