O contrato prevé a limpeza dunha superficie de 23.393 metros cadrados e a prestación do servizo por un período inicial de 36 meses
Santiago de Compostela, 16 de maio de 2025. A Xunta publica no Portal de Contratos Públicos de Galicia a licitación, por un importe de 7.426.808 euros e un período inicial de 36 meses, do servizo de limpeza, desinfección e xestión de residuos de todos os locais e instalacións interiores e exteriores do Hospital Público da Mariña, en Burela.
A superficie total que se debe limpar ao abeiro deste contrato é de 23.393 metros cadrados. Atendendo ao risco de infección en función do traballo que se realiza en cada área e que pode repercutir no paciente, 7.211 m2 son de risco baixo, máis de 9.000 de risco medio e 2.700 de risco alto. Outros preto de 4.500 m2 ata completar a cifra total corresponden a terrazas, parking e outras instalacións.
Dado o servizo público de asistencia sanitaria que se presta, cómpre que as instalacións se atopen permanentemente en condicións óptimas de limpeza, de acordo coa guía de procedementos de limpeza no medio hospitalario do Servizo Galego de Saúde, e que se cumpran as recomendacións para a bioseguridade, limpeza e hixiene ambiental incluídas no Plan Nacional de Resistencia Antibiótica e na instrución xeral de procedementos de limpeza no Hospital Público da Mariña elaborado polo Servizo de Medicina Preventiva.
O contrato inclúe a limpeza e/ou desinfección de todas as dependencias interiores e exteriores, así como de todo o mobiliario e aparellos ou equipamento.
Tamén recolle a xestión de todos os residuos que se produzan no hospital ata a súa entrega ao xestor correspondente para o seu tratamento, que abrangue a recollida, o traslado, a pesada dos residuos que se lles indique e acomodo nos almacéns finais habilitados conforme ao Plan de xestión de residuos sanitarios do hospital.
Inclúese no contrato, ademais, a recollida e traslado de roupa sucia, así como daqueles artigos que poidan ser obxecto de lavado e desinfección desde os almacéns das unidades e servizos ou desde calquera outra zona que se determine.
Xunto ao anterior, a empresa que resulte adxudicataria tamén se deberá encargar da realización da limpeza de instalacións, patios, azoteas, terrazas, cubertas, zonas axardinadas e zonas asimiladas; a limpeza das zonas exteriores e do aparcadoiro exterior de dúas plantas; e a limpeza da contorna máis próxima ao edificio (entrada principal, entrada de urxencias e entrada de rehabilitación e outras portas de acceso).
Outras tarefas previstas no contrato son a limpeza da parcela do campo exterior, incluíndo a roza da maleza, a elaboración diaria das camas de persoal, o mantemento, limpeza e desinfección das alfombras exteriores, a limpeza do servizo de cociña e os alicatados, paredes, portas, cristais e limpeza do chan.
O número total de horas anuais efectivas de mañá, tarde e noite para a prestación do servizo establécese en 81.854, tendo en conta as quendas correspondentes.
As empresas interesadas en participar neste procedemento teñen de prazo ata o 16 de xuño para presentar as súas ofertas.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
