Trabada, 16 de maio de 2025. Os Concellos de Trabada, Lourenzá e Barreiros remitiron unha carta conxunta á Conselleira do Medio Rural da Xunta de Galicia para esixir a activación inmediata das axudas prometidas ao sector da faba, comprometidas publicamente o pasado 14 de marzo durante unha reunión en Ribadeo.
Tal e como figura no escrito oficial, os tres concellos trasladan a súa profunda preocupación pola falta de aplicación efectiva das medidas anunciadas, como as axudas directas de ata 2.000 euros por hectárea e a posta en marcha dun instrumento financeiro para dotar de liquidez ás explotacións afectadas pola catastrófica campaña de 2024. A día de hoxe, sinalan, ningunha destas medidas foi activada.
O alcalde de Lourenzá en funcións, Javier Huertas, explica que “a conselleira do Medio Rural, tanto nas reunións que mantivemos en Santiago como cando veu á Mariña, fixo público que estas axudas directas de 2.000 euros e financiamento a 0 por cento de intereses para que os agricultores lle puideran facer fronte a esta nova colleita, dado que no ano 2024 as perdas sufridas polo sector foron dun 80% e os ingresos que tiveron non chegan para cubrir os gastos desta nova campaña, que xa está iniciada e aínda non chegou ningún tipo de axuda. Por iso esiximos que cumpran a palabra que dixeron e que poñan en marcha esas axudas xa, incluso estendéndoas a produtores que non están na IXP”.
Huertas engade: “tamén se quedara en que no centro Pedro Murias se fixera investigación con agricultores desta zona sobre pesticidas e insecticidas para botarlle as plantacións de fabas, para saber se realmente aquí son eficaces, como están facendo no centro de Abegondo. Nese sentido tamén se quedara en que incluso algúns agricultores deixarían as súas terras para facer estes ensaios e que a produción fora a maiores”.
O Concello de Lourenzá segue apoiando aos produtores da faba, que “hoxe en día é un dos sectores que máis cartos move e máis riqueza dá ao concello, porque evidentemente faba de Lourenzá hai moita, por distintos sitios, pero aquí é onde temos o centro da faba e realmente hai moita xente dedicada a isto e se estas axudas non se levan a cabo o sector vai tender a desaparecer. O relevo xeracional cada vez é menor e se ano tras ano sofren perdas e non reciben apoio a xente nova non vai intentar seguir nisto porque quen queira montar un proxecto sobre a faba non ve un futuro claro á hora de levalo a cabo porque son moitos os requisitos que teñen que cumprir e que a Xunta debería ir reducindo. Pero o fundamental é que o que prometeron desde a Consellería do Medio Rural o leven a cabo e que o cumpran, pois ademais dixeran que no prazo de dous meses xa ía estar en marcha, pero iso non o vemos transmitido á realidade”.
Pola súa banda o alcalde de Trabada, Rubén García, é contundente ao respecto: “Esiximos á conselleira que cumpra coa súa palabra. Despois de todas as promesas realizadas, estamos xa a 16 de maio e aínda non chegou nada. O sector non pode agardar máis”.
A carta advirte que as perdas da última campaña superaron o 80%, deixando moitas familias produtoras nunha situación límite, sen apenas recursos para afrontar unha nova sementeira e con débedas acumuladas.
Entre as demandas incluídas no documento, destacan:
– A activación inmediata das axudas directas e de liquidez.
– A extensión destas axudas a todos os produtores, pertenzan ou non á IXP Faba de Lourenzá.
– A creación dun plan de investigación agronómica e fitopatolóxica.
– A colaboración co Principado de Asturias para reclamar conxuntamente en Madrid unha axuda asociada para a faba no marco da PAC.
Os tres concellos recordan que a faba é un cultivo estratéxico, parte do patrimonio agrícola e cultural da Mariña, polo que consideran inaceptable que a súa continuidade se vexa comprometida pola inacción administrativa.
Desde o Concello de Trabada reiteran o seu compromiso co rural e coas familias produtoras da comarca, e demandan da Xunta respostas inmediatas e medidas efectivas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
