Ribadeo, 31 de xullo de 2018. A Concellaría de Turismo organiza durante o mes de agosto cinco rutas diferentes para promocionar o patrimonio natural e cultural do concello. A través do patrimonio natural ribadense discorrerán a Ruta dos Pregues, que sairá de Piñeira, e a Ruta dos Ollos e do Percebe, que terá como punto de saída Rinlo. A Ruta dos Pregues realizarase os luns do mes de agosto, e a dos Ollos e do Percebe os martes. E a través do patrimonio cultural de Ribadeo haberá tres rutas, unha por Arante para coñecer as pinturas murais do Santuario das Virtudes, outra pola pegada indiana da vila e a terceira é a que discorrerá polo Ribadeo dos Comerciantes. A ruta pola pegada indiana da comezo este mércores, 1 de agosto. As persoas interesadas en participar en calquera destas cinco poden inscribirse xa na oficina de turismo de Ribadeo.
A concelleira de Turismo, Ana Martínez, contou que “dende a Área de Turismo, Desenvolvemento Local e Comercio queremos convidar a toda esa xente que se achega para disfrutar do verán no mes de agosto da nosa hostalería ou do comercio, a descubrir o noso patrimonio e os recunchos de Ribadeo máis significativos, que en ocasións poidan pasar en certa medida desapercibidos e que en si conforman tamén un atractivo turístico importante. O que presentamos serán unha serie de rutas para todos os públicos nas que se mostrarán aspectos tan diversos como pode ser o importante patrimonio xeolóxico presente ao longo de todo o litoral que vai dende o conxunto de arcos rochosos máis importantes de toda a península, como é a praia das Catedrais, ata a maior estrutura xeolóxica da Mariña lucense que se engloba en todo o que é o cantil ata chegar case practicamente á ría de Ribadeo”.
A edil detallou que “teremos dúas posibilidades de visitar este patrimonio xeolóxico. Unha será a Ruta dos Pregues onde se descubrirá unha das maiores estruturas xeolóxicas da Mariña lucense, ese gran pregue que se estende dende a ría de Foz ata a ría de Ribadeo, e iso terá lugar os luns 6, 13, 20 e 27 de agosto. O punto de encontro vai estar na área recreativa de Areosa, en Piñeira, e a xente poderá, a través dos carteis que se van editar, ver as coordenadas onde está exactamente o punto de quedada. A segunda ruta importante en canto ao tema do patrimonio natural será a Xeoruta dos Ollos e a Ruta do Percebe para saborear eses tesouros xeolóxicos e gastronómicos do treito litoral e para concluír no fermoso pobo mariñeiro de Rinlo. Creo que esta é unha experiencia importante porque vai ser unha conxugación da explicación xeolóxica coa experiencia dunha das percebeiras que seducirá ao visitante coas súas vivencias persoais, que ademais o fai dunha maneira extraordinaria e cun sentimento e cunha concepción do que foi a súa vida como percebeira, que ben paga a pena. Isto será os venres días 3, 10, 17, 24 e 31 de agosto e o punto de encontro será na praza de Santa Catalina, no centro de Rinlo”.
Ana Martínez engadiu que “a través de tres roteiros guiados e interpretados poderase gozar do fascinante patrimonio cultural. Teremos tres roteiros guiados onde poderemos gozar dese patrimonio cultural e etnográfico presente en cada recuncho da vila, e tamén iremos cara ao interior do concello de Ribadeo, que creo que é un dos grandes territorios por descubrir. A primeira vai ser unha visita ao santuario da Nosa Señora das Virtudes, na parte interior do concello, para contemplar un magnífico conxunto de pinturas murais da época tardomedieval, que é único en Galicia. Esta ruta será os martes 7, 14, 21 e 28 de agosto, e o punto de encontro será na Ponte de Arante. A segunda das rutas culturais dará a coñecer esa parte, que para moitos xa non é tan descoñecida e que durante estes últimos anos está cada vez máis presente, do Ribadeo Indiano e a súa pegada, que ven manifestar esa época das últimas décadas do século XIX e primeiras do XX onde Ribadeo viviu un auxe económico, social e urbanístico debido en gran medida ao retorno de quen emigrara a América, os indianos. Eles trouxeron unha arquitectura cosmopolita, que se viu de forma rechamante entre as casas tradicionais como podemos ver a través da rúa San Roque e algunhas máis polo casco máis antigo da vila, e tamén esas casonas podemos velas na Devesa aínda que non formarán parte do roteiro, polo momento. Esas casas simbolizaban un pouco o triunfo e o éxito conseguido na diáspora, e a xente poderá participar os mércores 1, 8, 15, 22 e 29 de agosto, e o punto de encontro será diante da Oficina de Turismo de Ribadeo”.
A concelleira de Turismo explicou que “o terceiro roteiro cultural será para percorrer o Ribadeo dos Comerciantes. Creo que a xente vai quedar fascinada con ese legado importante que ao mellor non é tan coñecido como o dos indianos, pero que é moi importante e conforma unha parte moi importante da historia e da identidade de Ribadeo. O centro histórico de Ribadeo está declarado Ben de Interese Cultural, é un BIC, e aquí construíron as súas casas ricos fidalgos e comerciantes que convivían con mariñeiros e artesáns. O resultado é un conxunto urbano diferenciado que combina pazos urbanos con outras sinxelas construcións que pertencían a esa parte de pescadores e de xente máis humilde. Vai ser guiado ata o máximo expoñente relixioso como é en Ribadeo a capela da Atalaia, que data do século XII e é a máis antiga da vila. Eu creo que ben paga a pena achegarse alí, non só para observar as fermosas vistas que se poden contemplar senón para que nos conten unha parte histórica e arquitectónica desta capela. Isto será os xoves 2, 9, 16, 23 e 30 de agosto e o punto de encontro será diante da Oficina de Turismo”.
Ana Martínez subliñou que “todos os roteiros comezan ás once e media da mañá, terán aproximadamente unha hora de duración, e polo manexo do grupo as prazas estarán limitadas e todas serán de balde. Todas aquelas persoas que desexen participar e informarse poden facelo na propia Oficina de Turismo de Ribadeo, no e-mail turismo@ribadeo.org ou chamando ao teléfono da Oficina 982 128 689”.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
