Cervo, 3 de xullo de 2018. O alcalde, Alfonso Villares, agradece á Xunta de Galicia a axuda que vén de conceder ao Concello de Cervo por un importe de 499.550 euros “que destinaremos a humanizar o núcleo da Aldea de Cervo, entre as Rúas Calabadexo e Xosé Álvarez”. A superficie do ámbito de actuación é de 1.782,33 m2.
O rexedor, que visitou a zona acompañado do delegado territorial da Xunta de Galicia, José Manuel Balseiro, destacou a importancia de conseguir este financiamento “co que poderemos materializar un proxecto ambicioso pensado para embelecer unha zona emblemática da capitalidade municipal, xa de por si con moito encanto”.
Villares concretou que os traballos que se van acometer contemplan a mellora do pavimento das rúa, eliminando barreiras arquitectónicas e renovando a rede de saneamento, independizando a recollida de augas fecais e pluviais; e a rede de abastecemento de auga.
Ademais, tamén se renovará a rede de alumeado público, substituíndo o tendido en superficie por unha canalización soterrada, e a rede de telefonía “co que reducimos o impacto visual, contribuíndo así tamén á humanización de toda esta contorna”.
Villares destacou que esta obra segue a mesma liña que outros proxectos que vimos presentando en meses pasados “todas as actuacións que plantexamos foron concibidas baixo tres premisas: a mellora da accesibilidade coa eliminación das barreiras arquitectónicas, a humanización da zona na que se actúa e a aposta polo saneamento, independizando as canles de recollida de fecais e pluviais”.
ÚLTIMA HORA
- ADEGA reclama máis participación pública e unha moratoria mentres se tramita o novo Plano Sectorial Eólico
- A Xunta reforza a conservación mariña con novos investimentos e a reactivación do criadeiro do Vicedo
- Arrancan as obras no tramo final da LU-P-4802, que une A Pontenova e Ribeira de Piquín
- O PP de Trabada reprocha ao goberno local que deixase pasar programas clave como Aprol Rural
- O Teatro Pastor Díaz de Viveiro acollerá este sábado 2 de maio, ás 20:30 horas, a representación da obra “Los hombres no mienten”, a cargo do grupo local Andanzas
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca. - Este xoves 30, ás 17:15 horas, a Casa da Cultura do Vicedo acollerá unha actividade de animación á lectura coa compañía Trécola Producións, que presentará o espectáculo “Contos da Lúa”, dirixido a nenos e nenas de Educación Primaria
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos. - A XXXV Festa da Filloa de Muimenta celebrarase o 1 de maio co apoio da Xunta e da Deputación
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada. - O Concello de Navia fai un balance moi positivo da XVII Feira do Libro e da III Feira da Ilustración, que durante a fin de semana atraeron numeroso público
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato. - Ortigueira acolleu a IV Concentración Motera
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego. - O delegado territorial da Xunta en Lugo, Javier Arias, visitou este sábado a XXXV Feira da Maquinaria Usada e Artesanía e a XIX Feira das Antigüidades de Cospeito
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega. - O Concello de Ortigueira programa para o 1 de maio ás 20:30 h o espectáculo El sentir de mi sentido no Teatro da Beneficencia, a cargo do grupo vocal Qvinta Essençia, referente na interpretación da polifonía renacentista
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
2021 Crónica 3 A Mariña - Implementado por GaliciaDigital