Foz, 17 de agosto de 2018. O Entroido focense será promocionado mañá, sábado, cun acto organizado polo Concello que se celebrará na feira Foz Market a partir das oito da tarde e no que actuará a comparsa local Sin Xeito.
O alcalde focense, Javier Jorge Castiñeira, explicou que “é unha oportunidade estupenda para poder mostrar que en Foz hai moitísima actividade tamén en inverno. No verán queremos tratar de desestacionalizar e neste caso queremos promocionar o Entroido. Como ben sabemos, é un dos mellores de Galicia e dentro do stand que ten o Concello no Foz Market, ademais da mostra de folletos e cartelería turística, este ano enfatizaremos no Entroido, para que toda a xente que veña agora en verán saiba que aquí tamén ten outra data interesante a ter en conta, que é o noso Entroido. Haberá ademais diferentes actuacións”.
O rexedor municipal engadiu que “este sábado, 18 de agosto, ás oito da tarde a comparsa gañadora do Entroido pasado, Sin Xeito, fará unha demostración no Foz Market e mostrará á xente como se vive o carnaval en Foz. Grazas ás Sin Xeito por esta colaboración e esperemos que isto sexa unha porta aberta en Foz Market para que todas aquelas comparsas que queiran participen nun día de homenaxe ao Entroido. É unha forma de promocionar o pobo nunha época como esta, con moitísima afluencia de público na nosa vila”.
O entroido focense promocionarase este sábado, cun acto que se celebrará no Foz Market coa actuación da comparsa Sin Xeito
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
