Lugo, 17 de agosto de 2018. O Deputado de Innovación e Participación Cidadá, Pablo Rivera Capón, informou que o Goberno continúa a impulsar a modernización tecnolóxica da Deputación remodelando o Centro de Proceso de Datos “o servidor físico no que se executan a maior parte das aplicacións e sistemas informáticos que se empregan dende a administración provincial así como dende os Concellos”. Así o avanzou logo de que o Executivo Provincial aprobase este venres en Xunta de Goberno un orzamento de 250.000 euros para realizar obras coas que actualizar este servidor aos novos tempos. A previsión e rematalas en 4 meses.
Rivera Capón explicou que o Centro de Proceso de Datos, ou CPD, que dispón á Deputación data do ano 2010 e foi de grande axuda para a transformación tecnolóxica que sufriron tanto á administración provincial como os Concellos, aos que lle ofrecemos durante todo este tempo novos servizos TIC. “Logo destes 8 anos, a evolución tecnolóxica e o aumento dos traballos dende a administración electrónica, fai necesario melloralo para facelo máis eficiente, eficaz e tamén máis seguro. A tecnoloxía avanza a pasos axigantados e cada vez se precisan máis e máis recursos para soportar os novos sistemas de información e ofrecer á cidadanía mellores servizos”, apuntou.
Por exemplo, o CPD soporta as páxinas webs dos Concellos, os portais de transparencia, os sistemas de administración electrónica, telefonía, acceso a internet, ou aplicacións de contabilidade e xestión de recursos humanos… Con estas melloras, reforzaranse as bases de datos, poñendo especial atención na actualización dos datos e impulso de medidas de seguridade, sistemas de control, prevención de erros e sistemas de recuperación, co obxectivo último de protexer a información da Deputación de Lugo; ampliarase a capacidade de almacenamento, procesado, e actualizaranse parte dos equipos e dispositivos físicos por outros máis modernos, eficaces e fiables.
Nova web da Deputación
O Deputado de Innovación e Participación Cidadá avanzou que o CPD soportará tamén a nova web da Deputación, que está practicamente lista e que se presentará, previsiblemente, no vindeiro mes. Será unha páxina mais atractiva visualmente, cun maior grao de usabilidade e accesibilidade, máis interactiva e rápida.
139.000 euros para melloras en 23 Concellos
O Deputado lembrou que dentro do compromiso pola evolución nas tecnoloxías da información na provincia de Lugo, o Goberno da Deputación puxo á disposición por 3º ano consecutivo axudas aos Concellos para o impulso da administración electrónica e protección de datos dos municipios, por valor de 139.000 euros. “Isto permitirá realizar melloras tecnolóxicas en 23 Concellos lucenses, que foron os que decidiron sumarse a esta liña da Deputación. En termos xerais, a través destes fondos da Deputación, melloraranse, manteranse ou crearanse administracións electrónicas; e faranse adaptacións sobre protección e almacenamento de datos”, explicou .
A Deputación máis tecnolóxica de Galicia
Rivera Capón explicou que “medidas como a que hoxe aprobamos, aínda que parezan moi técnicas, o que demostran é que esta Deputación continúa a evolucionar, adaptándose aos novos tempos e promovendo un uso cada vez maior da tecnoloxía, tanto no traballo diario dos profesionais que prestan os seus servizos na Deputación, como na vida cotiá dos nosos veciños, cumprindo coa lexislación, e promovendo, por exemplo, a administración e rexistro electrónico nos Concellos”.
“Actuacións coma estas son as que fan que a de Lugo sexa a Deputación galega máis avanzada tecnoloxicamente. De feito a institución lucense é a única Deputación galega que conta coa ISO 20.000-1, que é unha certificación que garante a calidade dos servizos de xestión informática que ofrece a Deputación a nivel interno, así como á cidadanía, e aos Concellos”, apuntou.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
