Lugo, 17 de setembro de 2018. 220 gandeiros e agricultores puxeron en produción 1.200 hectáreas que estaban abandonadas. Fixérono a través do plan de recuperación de terras baldías da Deputación. Nas dúas edicións desta programación o Executivo Provincial achegou 560.000 euros en axudas a estes profesionais. O voceiro do Goberno da Deputación, Álvaro Santos Ramos, mantivo este luns un encontro cun dos beneficiaros desta programación.
Trátase de José Vidal, membro da SAT As Pedreiras, situada en O Pacio (Friol). José foi beneficiario das dúas primeiras edicións destas axudas, recibindo un total de 18.000 euros, o que lle permitiu recuperar máis de 40 hectáreas de terras que levaban máis de 60 anos sen ningún tipo de utilización. Así, coa axuda da Deputación puido sementar forraxe para alimentar ao gando, conseguindo reducir custes, pois agora aforra en herba, millo, alfalfa e penso. Ademais, tamén lle permitiu incrementar a cabana gandeira, pois pode ter 10 vacas máis e, finalmente, evitou multas da Xunta por ter terreos descoidados.
Santos Ramos destacou que “o Goberno da Deputación puxo en marcha a terceira edición desta programación poñendo a disposición dos agricultores e gandeiros outros 300.000 euros. Os interesados poden solicitar esta liña de axudas ata o vindeiro venres, 28 de setembro. Quero lembrar que a axuda por hectárea é de 500 euros, podendo recibir cada beneficiario ata 9.000 euros”.
Este investimento está dirixido a gandeiros e agricultores a título individual; agrupacións de produtores; SATs ou persoas xurídicas coa titularidade de explotacións, que dispoñan dun mínimo dunha hectárea de superficie, ben en réxime de propiedade, aluguer, ou froito dunha cesión ou doazón. Recuperarán as terras baldías con actividades agrícolas ou gandeiras. As plantacións forestais non están subvencionadas. Podes consultar as bases deste plan na seguinte ligazón: https://bit.ly/2Cs294b.
1.200 hectáreas recuperadas en toda a Provincia
O voceiro do Goberno da Deputación lembrou que “coas dúas primeiras edicións, o Executivo ofreceu axudas por valor de case 560.000 euros, coas que un total de 220 agricultores de toda a provincia e gandeiros lucenses puxeron en produción case 1.200 hectáreas”. A distribución destas axudas foi a seguinte:
– Na Mariña, concedéronse 20 axudas por un valor total de 45.500 euros, para poñer en produción 91,1 hectáreas.
– Na Terra Chá, concedéronse 37 axudas por un valor total de 93.200 euros, para poñer en produción 196,3 hectáreas.
– Na Comarca de Lugo, concedéronse 54 axudas por un valor total de 116.300 euros, para poñer en produción 241,2 hectáreas.
– Na Comarca da Montaña, concedéronse 61 axudas por un valor total de 128.500 euros, para poñer en produción 276,3 hectáreas.
– Na Zona Sur, concedéronse 48 axudas por un valor total de 173.500 euros, para poñer en produción 395,1 hectáreas.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
