Celeiro, 15 de setembro de 2018.- O Secretario Xeral do PSOE na Provincia de Lugo, Álvaro Santos Ramos, xunto á Vicesecretaria Xeral de Relacións Institucionais e Alcaldesa de Viveiro, María Loureiro, á Deputada Autonómica pola Provincia de Lugo, Patricia Otero, e outros compañeiros, esixiu este sábado á Xunta que de xeito inmediato poña en marcha na Mariña cursos de formación para os profesionais do sector da pesca, pois o Goberno galego do PP non oferta ningún na Comarca. Santos Ramos pediu ademais a creación na Mariña dunha escola marítimo-pesqueira, na que se oferten ciclos formativos de grao básico, medio, superior e FP.
O socialista explicou que “na Mariña sitúanse dous dos portos máis importantes de Galicia: o de Burela e o de Celeiro. O volume de negocio do sector pesqueiro da Mariña representa o 26% do total de Galicia. Máis do 21% das descargas en lonxa na Comunidade galega proveñen dos portos lucenses.”
“Xunto a estes datos oficiais, temos unha peculiaridade con respecto a outras provincias, que é que contamos cun maior número de buques de grandes dimensións. Preto do 18% dos barcos da Mariña están preparados para grandes tonelaxes. Os traballadores destas embarcacións requiren dunha formación específica coa que non contan na provincia, tendo que ir a centros da Coruña, Pontevedra e mesmo Gijón”.
Actualmente, a Xunta non ofrece na Mariña ningún curso de Certificados de Profesionalidade Marítimo-Pesqueira. As grandes embarcacións, necesitan, destacadamente, profesionais de Navegación e Pesca de Litoral, así como de Control de Maquinaria, entre outros.
“Comprobamos, ademais, que hai un grande problema co relevo xeracional no sector pesqueiro e que a demanda laboral de persoal con formación vai en aumento. Segundo datos oficiais, as profesións do mar sitúanse dentro das ocupacións de difícil cobertura”.
Desprezo do PP aos veciños da Mariña
“Polo tanto, non se está a aproveitar un verdadeiro nicho de emprego para a nosa provincia. O feito de que a Xunta non ofreza na Mariña ningún tipo de formación ao sector pesqueiro é un exemplo máis do desprezo do PP aos lucenses”.
Escasa formación na Coruña e Pontevedra
Na actualidade, toda a formación marítimo-pesqueira ofrécese en centros da Coruña e Pontevedra, que teñen listaxe de espera. Impártese en Culleredo, Bueu, Ribeira, Vigo e Ferrol. En Lugo 0.
Concretamente, as únicas escolas que prestan a formación de Navegación e Pesca de Litoral, e Mantemento e Control de Maquinaria son a ESCO Náutico-Pesqueira, de Ferrol; o IES Universidade Laboral de Culleredo, na Coruña; e a Escola Náutico-Pesqueira de Ribeira, en Pontevedra. Estes centros contan cunha lista de espera de preto de 60 alumnos.
Desenvolvendo o proxecto do PSOE na provincia
A Executiva Provincial Socialista leva tempo traballando e analizando o sector pesqueiro xunto aos seus profesionais para detectar as súas necesidades de cara ao impulso dun dos sectores piares da economía da provincia. Santos Ramos agradeceu aos compañeiros da Mariña na Executiva a súa implicación neste traballo e, de xeito salientable, á Secretaria de Pesca, Arancha Incera”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
