Lugo, 19 de outubro de 2018.- Preguntado este venres sobre os anuncios publicados ao respecto do Presuposto da Xunta para 2019, o Secretario Xeral do PSOE na Provincia de Lugo, Álvaro Santos Ramos, salientou que “hai que ter cara para falar de orzamento en Lugo cando volven a prometer o de todos os anos e está sen facer”.
“Hai ser cara dura para falar de investimentos en Lugo cando non hai nin un só euro para proxectos como a intermodal, o Centro da Romanización en San Fernando, a Rolda Leste… Onde está no presuposto a residencia da terceira idade para Lugo?
“Hai que ser sen vergonza para falar de investimentos en Lugo e referirse aos 2,1 millóns de euros para o equipamento do auditorio. Estes cartos xa eran de todos os lucenses, non os trae a Xunta de Galicia. Démosllos ao eximilos do pago do IBE polo HULA e outros 4 centros públicos de titularidade autonómica. Perdoámoslle ata 3,6 millóns para ter tan sequera onde sentarnos. Faltan outros 1,5 millóns. Nin nos devolven o que é noso”, destacou o Santos.
“Hai que ter capacidade para non poñerse vermello cando non fixeron nin un só investimento claro na nosa provincia, pois nunca vimos máquina algunha traballando, por exemplo, na VAP da Mariña”
“Alguén vai a crer algo do que di o Partido Popular de Feijóo cando as súas dúas últimas accións administrativas para grandes investimentos en Lugo foron anular o procedemento para poder ter no barrio da Residencia un centro para emprendedores, un de formación e emprego e outro de biomasa (que prometeron publicamente a todos os veciños) en pleno debate da moción de censura ao Goberno Central; e anular o proxecto da intermodal durante a etapa de Rajoy? E todo isto, as agochadas.
Feitos constatables
“Poderán prometer e prometer, plaxiar discursos, falar de investimentos e ata comprometer cos servizos públicos. Pero os feitos son constatables. Todos os veciños podemos ver como o Partido Popular abandonou as nosas comunicacións e ata nos privou delas, ou como precarizou a nosa sanidade e educación pública. Quitounos liñas de transporte, médicos, profesores, servizos sanitarios dos nosos hospitais comarcais. Fixo que as listas de espera por unha consulta dun especialista supera o ano. Fixo que teñamos que desprazarnos ata 100 quilómetros ata para cambiar a pila dun marcapasos. Fixo que teñamos nenos de entre 8 e 12 anos en clases unificadas. Empeñouse en que non tivésemos Hemodinámica 24 horas…”
“Os feitos constátanse. Os veciños poden ver como o Partido Socialista no Goberno Provincial fixo que non haxa nin un só Concello que non teña investimentos millonarios da Deputación, no que non se xeraran novos postos de traballo, no que non se intensificase o Servizo de Axuda no Fogar para non dependentes e a Teleasistencia para non dependentes, os esquecidos pola Xunta grazas á súa Lei Servizos Sociais; no que non haxa quilómetros de estradas con aglomerado en quente….”
“Os socialistas podemos ir a calquera concello da nosa provincia e poñernos de exemplo, mostrando pola vía dos feitos o noso traballo a pesares de ter unha lexislatura moi complexa, unha oposición irresponsable e un goberno en minoría. Todos os anos priorizamos a aprobación do Orzamento da Deputación e aprobámolo. Conseguimos que a Deputación sexa o motor económico e social da provincia, pois os nosos veciños non reciben os fondos que lles corresponden por xustiza social por parte do PP na Xunta de Galicia”.
“Investimos máis de 100 millóns na execución de centos de obras que se poden ver nos 67 Concellos, facendo que a Deputación lidera a obra pública na provincia. Máis de 1.000 quilómetros en aglomerado son feitos. Investimos máis de 25 millóns en emprego, ofrecendo uns 1.500 postos de traballo aos nosos veciños, que estaban no paro e hoxe non. Tamén son feitos. Atendemos a uns 1.800 maiores que a Xunta deixou de atender co Servizo a Domicilio para non dependente que financiamos na súa totalidade. Máis feitos. E outros 1.500 veciños non dependentes coa Teleasistencia gratuíta da Deputación, un servizo que si poden ter aqueles maiores que non atende a Xunta co seu servizo de copago. Tamén son feitos”
“Creo que os nosos veciños ven os feitos e que non se van a deixar enganar pola promesas sempre incumpridas, por fantasías, carteis ou imaxes que son barullos do PP dun día porque despois cando toca facer, cando é necesaria calquera prestación pública, dende unha traída de auga, a mellora dun acceso, un plan de emprego ou un servizo social, aí só está o Goberno da Deputación dando resposta”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
