Viveiro 17-10-18. Dende o día 20 de outubro e ata o 24 de novembro, o Grupo de Acción Local do Sector Pesqueiro A Mariña-Ortegal vai a levar a cabo uns obradoiros sobre técnicas de limpeza, desespiñado e cociñado de peixes e mariscos do territorio.
Esta actividade, de carácter gratuito, desenvolveráse en doce concellos do territorio do GALP A Mariña-Ortegal e vai dirixida aos integrantes do tecido asociativo de cada un deles. Os talleres estarán dirixidos polo cociñeiro Miguel Mosteiro, gran coñecedor da gastronomía galega en xeral, e da mariñeira en particular. Está considerado, así mesmo, como un especialista en cociña de territorio.
Os obxectivos desta acción son, ademais de darlle visibilidade ao GALP e ás súas axudas, o de dar a coñecer as posibilidades gastronómicas de produtos do noso mar como a pescada, o polbo, a xarda, o salmonete, o rape, berberechos e ameixas ou mesmo o bonito, por citar algúns. Ademais, daranse a coñecer distintas técnicas de limpeza ou desespiñado das especies. Os produtos do agro do propio territorio terán tamén o seu protagonismo nas guarnicións.
En cada un dos talleres poderán participar un número de 20 alumnos que interactuarán con Mosteiro na manipulación e cociñado das distintas especies. Para poder asistir aos obradoiros, os interesados deberán poñerse en contacto co seu Concello ou solicitando a inscrición no enderezo de correo electrónico: obradoiroscocinamarinaortegal@gmail.com ata esgotar as prazas.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
