Burela, 8 de novembro de 2018. O pavillón Vista Alegre de Burela acollerá este sábado, 10 de novembro, a celebración dos 22 Xogos Autonómicos de Baloncesto Special Olympics Galicia. Darán comezo ás 11 da mañá e participarán 19 asociacións de toda a comunidade galega con 270 deportistas, 59 adestradores e 52 voluntarios. O evento está organizado por Special Olympics e a Fundación Eu Son coa colaboración dos Concellos de Burela, Cervo e Foz e a Deputación de Lugo. Alumnado da Escola Municipal de Música de Burela co seu director á cabeza, Xan Carballal, interpretará o himno galego ao inicio deste evento deportivo.
O alcalde, Alfredo Llano, subliñou que “imos ter un acontecemento deportivo extraordinario, de singular beleza, cooperación e motivación para moitos rapaces e rapazas que van acudir aquí o sábado, día 10. É a 22 edición de Xogos Autonómicos de Baloncesto que organiza Special Olympics Galicia. Sabemos que estes xogos están dedicados a aquelas persoas que teñen algunha minusvalía intelectual, pero que grazas ao deporte teñen un soporte extraordinario para motivar, compartir experiencias e para viaxar. Está organizado por Special Olympics e vai colaborar a Deputación, pero tamén os Concellos de Foz, de Cervo e o de Burela, dado que aquí imos ter a sede destes xogos. Imos comezar no pavillón Vista Alegre o sábado ás once da mañá”.
O rexedor contou que “hai que dicir que, como curiosidade numérica, veñen 19 asociacións de toda Galicia con case 270 deportistas en total, 59 adestradores e 52 voluntarios. Esta xente xa é unha boa cantidade, pero vai vir con familiares e amigos, polo tanto penso que vai haber un ambiente agradable durante todo o día practicamente, tanto nos concellos limítrofes de Cervo e Foz como aquí en Burela”.
Alfredo Llano engadiu que “o Concello de Burela está ilusionado e contento de que se elixira o noso pobo para levar adiante este evento deportivo para este colectivo tan especial, e polo tanto imos colaborar o máximo posible. Queremos tamén animar á xente de Burela, aos nosos veciños, a que acudan ao pavillón Vista Alegre durante o sábado para compartir con estes deportistas, motivalos e que reciban o aplauso que merecen polo seu tremendo esforzo e polas súas ganas de facer as cousas ben. Desde o Concello de Burela imos procurar estar á altura para que todo isto salga de marabilla”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
