Ribadeo, 27 de novembro de 2018. Medio cento de persoas asistiron en Cine Ribadeo á presentación do vídeoclip Amiga ansiedad, do grupo de rock ribadense Remakers.
Ao inicio do acto Cherry, vocalista da formación, dixo: “grazas por vir e por apoiar a cultura de Ribadeo. Queríamos agradecervos a vosoutros que esteades aquí; a Faro Norte, por darlle cobertura a esta presentación; e a Dani Díaz e Gloria Tejero, de 60 Ráfagas, que se achegaron ata aquí ademais de facernos esta marabilla que ides ver agora”.
Cherry explicou que “o motivo polo vos convidamos a estar aquí é para presentar o vídeoclip deste single, que é un adianto do que vai ser o noso disco Sueños y otras pesadillas, que se editará o 14 de decembro. Ese día estará en formato físico e tamén nas plataformas dixitais”.
Sobre o tema do vídeoclip contou que “se chama Amiga ansiedad, e fala sobre este problema que hoxe en día é moi común na sociedade e está un pouco provocado polo presión social que temos co sistema no que vivimos. Case estamos obrigados a vivir rápido e a seguir unhas pautas sociais que van moitas veces en contra do que cremos realmente e do noso ideal de vida”.
Outro dos compoñentes de Remakers, Iván Fillo, tamén agradeceu “á xente do Cine Ribadeo, porque se enrollaron moi ben para poder facer aquí esta presentación”. E engadiu: “non é costume nosa poñernos tan serios para estes asuntos, entón tivemos que botar man de xente máis profesional e contactamos con 60 Ráfagas para a realización deste vídeoclip”.
Desde 60 Ráfagas Dani Díaz manifestou: “estamos moi contentos de ter traballado con Remakers para facer este vídeoclip, porque non só é unha gran banda, somos fans e amigos. O proceso creativo foi fantástico, deixáronnos facer literalmente o que quixemos. Estamos encantados de ter feito este traballo para este single”.
Dani Díaz engadiu que “é un disco fantástico o que van sacar, nós escoitámolo en primicia enteiro e deberiades compralo en canto saia á venda o 14 de decembro. O tema que elixiron como single é moi representativo do disco, é un tema moi escuro, pero ten un estribillo moi luminoso e iso permitiunos xogar con moitos contrastes e con diferentes formatos de imaxe. Agardamos que vos guste e o que disfrutedes”.
Á presentación desta tarde no Cine Ribadeo asistiron tres dos compoñentes de Remakers: Cherry, Rober e Iván.
Amiga ansiedad poderá verse e escoitarse xa a partir desta noite nas redes sociais.
Medio cento de persoas asistiron en Cine Ribadeo á presentación do vídeoclip Amiga ansiedad, do grupo de rock ribadense Remakers
Relacionado
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
