Burela, 02 de Novembro de 2018. O Bloque Nacionalista Galego cree que a situación que están a sufrir no CEIP Virxe do Carme (Os Castros) tanto o alumnado coma o profesorado e resto de persoal non pode continuar, trátase dunha urxencia darlle solución. Neste sentido, os nacionalistas esixen á Xunta de Galicia que exerza as súas competencias e acometa as obras que sexan oportunas no colexio. “A Xunta desenténdese das súas competencias en materia de educación sistemáticamente. Xa o fixeron coa xestión das Escolas Infantís e estano a sufrir tamén no Colexio dos Castros” sinalou Mario Pillado, voceiro do BNG en Burela. “Entendemos que o Concello non pode levar a cabo estas obras porque non ten as competencias, pero o pasotismo e agardar pola Xunta non serven de nada e o señor Llano ten que mostrar un pouco de valor e defender os intereses dos nenos e dos mestres dese colexio” continuou Pillado.
Os nacionalistas piden unha actuación dunha vez por todas.
A edificación dos Castros presenta estes peoblemas “que non son de hoxe: o paso dos anos e a falta de investimentos por parte da Xunta fan que o centro se atope nesta situación, que xa foi denunciada en repetidas ocasións e non foi mais ca obxecto de parches e pequenas reparacións, para nós, de todo insuficentes. Por iso cremos que se debe levar a cabo unha reparación integral do colexio e así llo facemos saber á Xunta e ó Concello” comentou Pillado.
Finalmente, “preguntámonos que opinan de todo isto os señores José González Barcia e José Manuel Balseiro, tan pródigos na prensa xeralmente, pero que con respecto a este tema nunca se pronuncian e están ben caladiños. Semella que non lles importa moito a situación dos nenos matriculados no CEIP Virxe do Carme; defenden coma sempre os interentes do Partido Popular, neste xado da Xunta,por riba dos intereses da veciñanza” rematou Mario Pillado.
O BNG esixe a Xunta de Galicia e Concello de Burela solucións para as graves deficiencias estruturais do Colexio Virxe do Carme
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.