Burela, a 28 de novembro de 2018.- O Grupo Municipal Popular asegurou hoxe que “a capacidade económica do Concello de Burela pode quedar seriamente danada nos vindeiros cinco anos co novo contrato que está a preparar para os servizos de limpeza, recollida de lixo, limpeza de praias e punto limpo; xa que o presuposto de gastos vaise incrementar nun 2’39% e provocar un novo incumprimento da regra de gasto”.
Os edís do PP din que “o goberno de Llano, que tanto presume de bo xestor, incumpriu a regra de gasto en 2017, polo que o Concello está suxeito a un Plan Económico e Financieiro para o bienio 2018-2019”.
Os populares indican que “isto é o que se fai constar na documentación obrante no expediente e que nos foi remitida polo propio alcalde co que lle pedimos que non escorra o bulto e non nos veña dicindo que iso non é cousa del, como acostuma a facer”.
Desde o Grupo Municipal Popular afirman que “se este contrato sae adiante, e o alcalde quere cumprir coa regra de gasto, non lle vai quedar máis remedio que detraer doutras partidas orzamentarias o que vai subir este servizo, da orde de 193.000 euros ao ano de non producirse baixas na adxudicación. Polo tanto, como o capítulo de Persoal non se pode tocar, poden verse mermados os investimentos reais, as subvencións e mesmo servizos que se engloban no Capítulo II de Bens Correntes e Servizos do orzamento municipal de gastos”.
Ademais, segundo os populares, “vamos ser un dos Concellos que máis cartos destine anualmente a estes servizos: un 12’9% se os orzamentos do Concello se mantivesen no volume do presente exercicio, que é de 7.071.377’20 euros”.
Llano debe dar explicacións convincentes
Para o Grupo Municipal Popular, “resultan evidentes as mentiras de Llano sobre este asunto xa desde a campaña electoral das municipais de 2015. Outras máis que se suman no haber desta persoa e que demostran que a súa credibilidade é igual a cero”.
Os edís populares reiteran que “a veciñanza ten dereito a saber que se vai facer cos seus cartos, así que o alcalde debe explicar polo miúdo e con claridade, e non cos circunloquios aos que nos ten acostumados, a que se van destinar todos e cada un dos 912.423’12 euros cada ano que imos pagar por estes servizos se non hai baixas na adxudicación, que non ten porque habelas, coma aconteceu con GESECO”, conclúen.
O Grupo Municipal Popular de Burela denuncia que “a capacidade económica do Concello pode quedar moi afectada co novo contrato da recollida de lixo que prepara o alcalde”
Relacionado
-
O PP pedirá no pleno provincial prazos para abrir Augasmestas e actuacións urxentes en vías de Viveiro e Alfoz
-
Carmela López destaca o “motor turístico e económico” da IX Romaxe Viquinga do Vicedo
-
O PSdeG defenderá no Pleno da Deputación un novo modelo contra os incendios forestais e máis recursos para o ensino público
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
