Burela, a 9 de novembro de 2018.- “Os responsables dos problemas coa praza de logopedia do Centro de Atención Temperá son o alcalde, o Sr. Llano, e a ata hai pouco concelleira de Economía, a Sra. Otero, por non prever nos presupostos municipais a asignación suficiente para a cobertura dese posto de traballo sabendo que a Xunta vén cumprindo escrupulosamente coa concesión da subvención”, aseguran desde o Grupo Municipal Popular burelés ante a situación xurdida no indicado Centro no relativo á praza de logopedia.
Os populares afirman que “esta situación ten moitas semellanzas con outros postos de traballo que hai no Concello e que están cubertos con subvención, pero que se prevén debidamente nos seus presupostos anuais aínda que a subvención non chegue a principios de ano. Polo tanto, o alcalde deberá tomar nota de cara aos presupostos de 2019 e facer as cousas con xeito para non provocar esta situación de ausencia de logopeda nun centro tan importante coma este”.
O Grupo Municipal Popular burelés considera que “non incluír nos presupostos de 2019 o abono do soldo da persoa que ocupe ese posto é condenar ao Centro a repetir esta situación cando a Xunta está enviando os cartos todos os anos, como tamén os envía para abonar outros soldos de persoal municipal cubertos con subvencións da comunidade autónoma”.
Os populares de Burela consideran que “o PSOE non ten interese real neste centro e con esta situación só busca confrontación coa Xunta. E non ten interese real porque o PSOE nunca fixo nada por este centro. Tanto é así que o centro foi asumido polo Concello de Burela no ano 2006 con goberno municipal do PP e con goberno municipal do PP cambiou a súa ubicación en 2014. O alcalde, o Sr. Llano, deberá esquecer a confrontación e, xa que non fai nada por mellorar o Centro de Atención Temperá, polo menos non debe poñer trabas para o seu correcto funcionamento”.
Os populares de Burela aseguran que o responsable dos problemas no Centro de Atención Temperá é o alcalde
Relacionado
-
A Xunta reivindica o liderado de Galicia como potencia acuícola cunha facturación de máis de 243 M€ que concentra preto do 70 % do emprego a nivel estatal
-
David Saavedra López será o candidato á alcaldía polo BNG da Pastoriza
-
Mar pon en valor no Parlamento o fito de superar o obxectivo de execución do FEMPA ao certificar máis de 64,5 M€ en 2025 e garantir todos os fondos europeos
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
