Mondoñedo, 9 de novembro de 2018.- O conselleiro de Cultura e Turismo, Román Rodríguez, comprobou hoxe o avance nos traballos de musealización da Casa-Museo de Álvaro Cunqueiro, que rematarán a final de ano. Con este obxectivo a Xunta mobilizou máis de 120.000 euros a través dun convenio entre a Consellería e o concello de Mondoñedo asinado o pasado xullo.
En concreto, a actuación inclúe unha parte dotacional que abrangue a adquisición de equipos audiovisuais, a instalación do sistema de seguridade e accesibilidade do centro, a produción de contidos gráficos e audiovisuais, así como da moblaxe específica para o espazo expositivo; e outra parte de documentación e deseño de contidos da musealización do fogar de Cunqueiro.
Román Rodríguez lembrou que o proxecto dun museo para o príncipe das letras mindonienses é unha aspiración colectiva do pobo de Mondoñedo. Neste sentido, afirmou que esta casa museo será un novo referente no eido do turismo literario para Galicia, recordando que Mondoñedo e a praza da Catedral son puntos principais dos Camiños do Norte, incluídos na lista do Patrimonio Mundial da UNESCO.
Preto dun millón de euros na Catedral
Precisamente, o conselleiro tamén aproveitou para trasladarse á Catedral de Mondoñedo, onde o seu departamento realizou dúas intervencións, que mobilizaron un orzamento próximo ao millón de euros, este 2018.
En primeiro lugar, o pasado mes de abril remataron os traballos de restauración da primeira actuación, na casa dos Cóengos, na que se investiron preto de 280.000 euros. En concreto, as obras consistiron na consolidación e reforzo dos muros de carga, reposición nas zonas deterioradas e da estrutura da cuberta. Restaurouse tamén o entaboado de madeira, a escaleira e as carpinterías exteriores, ademais de dotar ao edificio de preinstalación eléctrica.
Pola súa banda, a segunda actuación, rematada no mes de agosto, centrouse na restauración da cuberta da basílica e do claustro. Cun orzamento de 649.608,15 €, as necesidades que se cubriron están relacionadas coas filtracións de auga por defectos construtivos e as malas solucións de deseño en ambas as dúas zonas de intervención.
Os traballos máis importantes que se desenvolveron serviron para reparar a zona dos apoios nas cerchas, así como a substitución completa ou parcial das mesmas. Tamén se eliminou a parte de madeira danada, que se repuxo mediante pezas de carballo; retirouse a parte da albura afectada polo caruncho nas cerchas, pontóns e durmintes. Así mesmo, tamén se desmontaron, acondicionaron e recolocáronse os pontóns existentes e substituíronse un 25% dos mesmos. Tamén se cambiou o sistema de cubrición.
Ademais, no claustro procedeuse á substitución das ripias e lousas por outras de similares características ás do resto do templo; desmontáronse as cornixas e balaustradas para a súa posterior recuperación; substituíronse os lucernarios e limpáronse a fachada.
Durante a visita, o conselleiro estivo acompañado pola alcaldesa de Mondoñedo, Elena Candia; e pola directora xeral do Patrimonio Cultural, María del Carmen Martínez Insua.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
