A Mariña, 14 de xaneiro de 2019.- A curtametraxe O Neno e a sombra acada en tan só vinte e dous días, dos corenta que dura a campaña, o seu primeiro obxectivo ao conseguir 6000 euros.
O equipo agradécelles aos 117 mecenas que xa colaboraron con este proxecto as súas achegas económicas e lembra que a campaña de crowdfunding segue aberta ata o día 28 de xaneiro; polo que as persoas que aínda non tiveron oportunidade de colaborar, poden facelo entrando na plataforma Verkami, onde atoparán toda a información necesaria.
En caso de conseguir os novos obxectivos, 6500 e 7000 euros, todos os mecenas recibirán
recompensas extras como agradecemento á súa colaboración.
O Neno e a Sombra, dirixida por Xaime Miranda é unha obra baseada no noso patrimonio inmaterial, onde as meigas, o mal de ollo ou os ritos curativos conforman o substrato da historia. Temáticas recurrentes no xénero cinematográfico de orixe británica, coñecido como folk horror, no que se inspira a curtametraxe.
Este proxecto cinematográfico está asesorado polo antropólogo Rafael Quintía e conta cun reparto de alto nivel, con profesionais como Miguel de Lira, Manuel Lourenzo, María Roja ou Diego Anido. Ademais de Xaime Miranda, o equipo está formado polos mariñáns Sabela Blanco, Lucía Ramiro, Uxío Corbelle e Iago Villarino. A banda sonora correrá a cargo de Nuno Pico, músico do Valadouro e membro do grupo Oh! Ayatollah.
Para a realización desta curtametraxe, que será rodada integramente na Mariña, escolléronse lugares tan suxestivos coma as aldeas de Vilarxubín e San Pedro de Bogo, ambas no concello de A Pontenova, ou a contorna da Fraga Vella, unha zona de gran singularidade paisaxística.
Sobre a campaña de crowdfunding e sobre este proxecto audiovisual pódese obter máis información na páxina de Verkami e nas redes sociais.
A curtametraxe “O neno e a sombra” segue á procura de financiamento
Relacionado
-
A Xunta e a Confraría de Ribadeo analizan novas liñas de apoio para fortalecer a actividade pesqueira local
-
Feijóo alerta dun momento “destituyente” en España durante a súa visita á exposición dedicada ao expresidente Calvo-Sotelo en Ribadeo
-
A Xunta e o Concello de Alfoz analizan novas melloras en infraestruturas e servizos
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
