Castroverde, 22 de xaneiro de 2019.- O conselleiro de Economía, Emprego e Industria, Francisco Conde, visitou hoxe en Castroverde os traballos que o alumnado do obradoiro dual forestal O Castro IV está a desenvolver neste concello e nos de Pol, Riotorto, A Pastoriza e Ribeira de Piquín, onde sinalou que este tipo de formación axuda a mellorar a empregabilidade e fixar poboación no rural galego.
Os 20 participantes están recibindo formación específica no eido forestal -sector que xunto co Camiño de Santiago tiña unha partida específica nesta iniciativa- para o desenvolvemento de actividades auxiliares en conservación e mellora de montes. En concreto, os traballos consisten na aplicación de tratamentos silvícolas en varios camiños forestais e zonas verdes dos cinco concellos implicados e en labores de conservación do Carballal de Furís, en Castroverde. O obradoiro conta cun investimento global de preto de 290.000 euros.
Tal e como destacou o conselleiro, impulsar a formación no eido forestal, un dos sectores con máis peso en Galicia, contribúe á súa modernización e diversificación para que actúe como un dinamizador económico dos concellos rurais.
Este obradoiro é un dos 18 que se están a desenvolver na provincia de Lugo para chegar a 360 alumnos cun orzamento de case 5,2M€. En total, Galicia está realizando 82 obradoiros duais dos que se benefician 1600 alumnos nos que se invisten 23,26M€. A principal novidade é que os participantes poderán combinar un contrato de formación e aprendizaxe durante nove meses, cun contrato de alomenos tres meses máis nunha empresa emprazada no mesmo ámbito territorial e cunha actividade vinculada ás materias do obradoiro: “Trátase de combinar formación e aprendizaxe coa oportunidade dunha experiencia laboral”, explicou Conde. O obxectivo é seguir mellorando o emprego nos concellos galegos, especialmente nos do rural, adaptando a oferta formativa ás súas demandas e necesidades de contratación.
Os obradoiros duais forman parte do compromiso da Xunta coa formación. Así, o Goberno galego inviste este ano 145 millóns de euros en medidas centradas na orientación e na cualificación para favorecer o acceso dos galegos e galegas ao mercado laboral, con cursos que se adapten aos novos perfís profesionais e ás demandas e necesidades reais do tecido empresarial. Xunto cos obradoiros duais, destaca o programa Aprol Rural que permitirá contratar a 600 desempregados nos concellos do medio rural para a realización de tarefas vinculadas, sobre todos, coa prevención de incendios.
Conde destacou a importancia da colaboración institucional para contar cunha Comunidade máis competitiva e con máis capacidade para crear riqueza. Neste sentido, destacan os Concellos emprendedores. Unha iniciativa paralela á Lei de implantación empresarial na que a administración autonómica e local colaboran para facilitar a tramitación administrativa, o acceso ao solo e para ofrecer unha mellor fiscalidade.
Os concellos adheridos obteñen prioridade nas axudas da Xunta destinadas a fomentar o emprego de calidade e a apoiar o emprendemento innovador, como o caso dos obradoiros de emprego. Neste sentido, Lugo conta con 19 concellos emprendedores.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
