Alfoz 16-2-19. A escasos cen días das eleccións municipais do 26 de maio, VIA Alfoz, nome do partido xurdido da agrupación de electores Veciños Independentes de Alfoz, suma novas incorporacións de cara á súa primeira asemblea xeral que se celebrará xusto dentro dun mes, concretamente o domingo 17 de marzo. Nesta Asemblea elixirase a primeira Dirección Executiva do partido, órgano xestor que será o encargado de elaborar o programa, así como de elixir as listas electorais.
Para esta cita o partido contará con dúas novas incorporacións, a de Fernanda Casabella e a de Eliseo Lorenzo, veciños de Alfoz moi involucrados na educación, os servizos sociais e o deporte, e que se presentaban onte pola tarde “cheos de ilusión e gañas de traballar polo noso pobo”.
Eliseo Lorenzo García (Alfoz, 1988). Estudou maxisterio de Primaria en Lugo e un mestrado de Innovación, Orientación e Avaliación Educativa na Coruña. Actualmente é o Xefe de Estudos do CEIP Plurilingüe Virxe do Carme de Burela. Coñecedor do mundo educativo, indica que “chego a Vía de paso, para impulsar varias ideas. A primeira delas é a creación dun Centro Público Integrado para responder á realidade de asegurar os servizos de Infantil, Primaria e Secundaria no concello”. Esta ambiciosa iniciativa de VIA suporía o agrupamento dos dous centros públicos, o que permitiría optimizar os servizos, como pode ser o transporte escolar, e ampliar outros como o servizo de comedor que se estendería ata os 16 anos. Desta forma os nenos do concello estarían escolarizados no mesmo centro desde os tres ata os dezaseis anos, permitindo mellorar e optimizar os servizos conciliación e as actividades extraescolares, entre outras. O agrupamento permitiría a desafección dun dos edificios, no que desde VIA propoñen a instalación dunha residencia da terceira idade cun centro de día públicos.
Involucrada tamén na comunidade educativa e coñecedora das necesidades dos servizos sociais incorporase tamén a VIA Fernanda Casabella (Alfoz, 1970). É presidenta da ANPA do CEIP Castro de Ouro de Alfoz, ademais de secretaria da Asociación de Afectados polo Síndrome de Fires, “para darlle visibilidade a esta doenza e intentar recadar fondos para a investigación”, indica. Tamén é tesoureira de Camiña Asociación Comarcal da Mariña Lucense, colectivo que segundo nos indica está centrado en “defender e asistir aos discapacitados psíquicos no tocante á súa educación, rehabilitación, formación profesional e integración social”. Ademais Fernanda Casabella sempre estivo ligada ao asociacionismo local, sendo parte da directiva da Asociación Cultural e Xuvenil o Castelo e presidenta do C.D. Alfoz, club do que actualmente é directivo Eliseo Lorenzo.
A creación dun Centro Público Integrado e dunha residencia da terceira idade con centro de día, serán xunto coa aplicación de medidas para paliar o despoboamento, varias das iniciativas que VIA estuda propor de cara ás vindeiras eleccións municipais, para o que realizarán reunións coa comunidade educativa e a Xunta de Galicia de quen vai depender, en gran medida, a súa viabilidade.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
