Lugo, 28 de marzo de 2019. A Casa de Galicia, en Madrid, acolleu este xoves a presentación da IX Carreira de Montes de Viveiro CAMOVI 2019, que terá lugar o vindeiro 27 de abril no municipio da Mariña Lucense, co apoio da Deputación e do municipio viveirense. No acto participaron o voceiro do Goberno Provincial, Álvaro Santos Ramos; a Alcaldesa de Viveiro, María Loureiro García; o Delegado da Xunta en Madrid e Director da Casa de Galicia, José Ramón Ónega López; o Director Técnico da CAMOVI, Pedro Esmorís García; e o Social Media Manager da carreira, Horacio Albo Pérez.
Concello e Deputación achegan 8.000 euros para a celebración deste evento deportivo, que se ten convertido no referente das carreiras por montaña de Galicia e que reunirá, na súa novena edición, a preto dun millar de participantes. En total haberá 6 probas, con diferentes percorridos, adaptados a todos os públicos e idades.
Santos Ramos destacou “a gran repercusión que ten acadado a CAMOVI como encontro de turismo activo, capaz de xerar un importante retorno económico para a localidade de Viveiro e para o conxunto da Mariña, polo elevado número de persoas que reúne, entre corredores e acompañantes. Serán preto de 1.000 participantes de toda a xeografía galega e de diferentes puntos do país os que se acheguen a vivir esta experiencia única, e aos que queremos convidar tamén a coñecer e desfrutar da natureza, patrimonio e gastronomía da Comarca”.
Loureiro García explicou que “estamos moi satisfeitos de poder estar hoxe aquí, en Madrid, e concretamente nesta Casa de Galicia, para presentar un dos eventos deportivos máis destacados do noso Concello. Debido ao éxito que ten acadado a CAMOVI, decidimos, por primeira vez, facer a presentación fóra de Galicia e escollemos este escenario para que acade a maior proxección posible. Queremos que nesta novena edición veña a participar e a coñecer o espectacular entorno de Viveiro xente de toda España, pois estamos seguros de que quedarán con ganas de repetir”.
A Alcaldesa engadiu que “queremos que se converta nunha cita de turismo activo no calendario de deportistas de toda España, xa que se desenvolve nun entorno paisaxístico inigualable, polos montes máis elevados da Ría Viveiro. Os familiares e acompañantes tamén poderán gozar da nosa costa, a maxestuosidade das nosas paisaxes de mar e montaña, e da cálida acollida das nosas xentes”.
Durante o acto de presentación proxectáronse varios vídeos sobre a historia e evolución da CAMOVI e sobre como se vai desenvolver esta carreira de trail. Cómpre subliñar o rápido crecemento deste evento que cada ano logra reunir a un maior número de participantes, pasando dos 500 corredores no 2018, aos preto de 1.000 que se agardan nesta novena edición.
6 recorridos e probas deportivas para todos os públicos e idades
A Carreira de Montes de Viveiro contará con 6 probas aptas para todas as idades: C42k (42 quilómetros), C21K (21 quilómetros), C10K (10 quilómetros), C45 relevos (45 quilómetros por equipos), CAMOVIkids e unha andaina popular de 11 quilómetros. O prezo da andaina é de 5 euros, que serán doados á Asociación Española Contra o Cancro.
A CAMOVIKids contará con tres probas en función da idade dos nenos: de 0 a 6 anos (200 metros); de 7 a 10 anos (390 metros), e de 11 a 15 anos (550 metros) con diferentes desniveis. Sairán a partir das 11:00 horas da Praza Maior de Viveiro.
Os interesados poden atopar toda a información na web www.camovi.org e as inscricións xa están abertas en https://championchipnorte.com/evento/detalle/id/1660/ix-camovi-carreira-por-montana-montes-de-viveiro-2019. A falta dun mes para a cita, xa hai máis de 200 inscritos.
Adestramentos solidarios
Previamente á celebración das probas deportivas da CAMOVI, nos últimos meses tiveron lugar 3 adestramentos solidarios, non competitivos, para que os participantes poidan coñecer os percorridos desta carreira polos Montes de Viveiro. Os fondos recadados coas inscricións teñen unha finalidade benéfica, pois serán entregados integramente á Asociación Española Contra o Cancro de Lugo para o desenvolvemento da súa importante labor social.
No primeiro adestramentos realizado o 20 de xaneiro, os participantes saíron da Praza Maior de Viveiro regresando ao mesmo sitio percorrendo 15 quilómetros. O 10 de febreiro, tivo lugar o segundo con saída tamén desde Viveiro e chegando a Feira de Galdo despois de percorrer 11 quilómetros. O terceiro, o 3 de marzo, con saída de Feira de Galdo cara a Viveiro o recorrido foi de 13 quilómetros. O 14 de abril, xa previo á celebración deste evento deportivo, será o derradeiro adestramentos solidario cun percorrido entre Naseiro e Viveiro de 21 quilómetros.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
