Ribadeo, 1 de abril de 2019. A Asociación de Profesores de Automoción de Galicia (Apaga) está a preparar un seminario permanente, para xuño, sobre o empresario Eduardo Barreiros, no ano no que se cumpre o centenario do seu nacemento. Ademais Apaga organizará outro seminario, a finais de ano, sobre José Barro, coñecido empresario que impulsou o complexo de Chavín, en Viveiro. Apaga ten programadas tamén varias fins de semana tecnolóxicas de abril a xuño. A primeira delas será este sábado, día 6, en Ribadeo e versará sobre o diagnóstico de avarías en vehículos.
Álvaro Doural, presidente de Apaga, explicou que “continuando co programa formativo que estamos a desenvolver desde o inicio de ano, vai haber un curso de diagnóstico de avarías de vehículos, un curso eminentemente práctico, impartido por Urbano Oliveros, que é un técnico de Coruña. O número de prazas máximo é de 15 persoas e é continuidade doutro que se fixo fai un mes. En maio está previsto que haxa dúas actividades, unha de caixas de cambios automática e outra de sistemas de control de información Passthur para diagnose de vehículos. Son as actividades máis cercanas, aínda que no mes de xuño se van facer outras dúas e en setembro vaise facer algunha outra mais”.
Doural anunciou que “a finais de xuño posiblemente se vai montar unha actividade novidosa, tendo en conta a celebración dos cen anos do nacemento de Eduardo Barreiros, importante empresario de Galicia afincado nos últimos anos en Cuba. Imos celebrar un seminario permanente, estamos en contacto coa Fundación Barreiros, coa filla de Eduardo Barreiros. A idea é que sexa un seminario permanente de actividade ao longo do ano, cunha serie de reunións, por iso animo á xente que ten interese neste tema, en todo o que foi o mundo de Barreiros para o mundo do automóbil. O meu consello é ver unha película fabulosa que fixo a Televisión de Galicia, que é sobre a vida del e sobre todo o que fabricou. Esa é unha das actividades novidosas”.
O presidente de Apaga engadiu que “para rematar o ano, está previsto que tamén se aborde un tema que temos pendente, e que por cuestións de tempo non puidemos facer, que é sobre José Barro, un empresario importante de Viveiro. Váiselle dar un formato tamén de seminario permanente. Estamos a traballar no tema. Queremos dar a coñecer toda a información e todos os datos que fomos recabando deste importante empresario da Mariña, que eu creo que é un icono importante á hora de valorar todo o proceso de industrialización da Mariña que, desgraciadamente, hoxe en día é pouco e o que hai está nesa situación que está neste momento”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
